قازاقستان ءوز اۋماعىندا تۇرىك برونەماشينالارىن شىعارۋدى جوسپارلايدى
دەپ حابارلادى قارۋ- جاراق ساتۋعا الەمدىك مونيتورينگ ورتالىعى (ت س ا م ت و) «KazKioti» باس ديرەكتورى ب. ماماتوۆقا سىلتەمە جاساپ.
جوباعا قۇيىلعان العاشقى ينۆەستيتسيا 30 ميلليون دوللاردى قۇرادى. «ءبىرىنشى كەزەڭدە كاسىپورىن تەحنيكا جيناۋدى قولعا الادى، سودان سوڭ بىرتىندەپ ۇلتتىق ءوندىرىس قۇرال- سايماندارىنىڭ ۇلەسىن ارتتىرماق»، - دەپ ءتۇسىندىردى باس ديرەكتور.
اتالمىش جوبا تۇركيانىڭ نيەتى اياسىندا تەلەكوممۋنيكاتسيا، فارماتسيەۆتيكالىق، اۋىل شارۋاشىلىعى، تاعام ونەركاسىبىن قوسا العاندا، قازاقستان ەكونوميكاسىنىڭ ءتۇرلى سەكتورلارىنا قاتىسۋىن كەڭەيتۋدى كوزدەيدى. تۇركيا مەن قازاقستان ۇكىمەتى ساۋدا اينالىمىن 2014 - جىلعى 3,3 ميلليارد دوللاردان ورتاشا پەرسپەكتيۆادا 10 ميلليارد دوللارعا جوسپارلى ۇلعايتۋدى بولجاپ وتىرعاندىعىن مالىمدەدى.
تۇركيا مەن قازاقستان قازىردە اسكەري- تەحنيكالىق سالادا ءبىرقاتار جوبالاردى جۇزەگە اسىرۋدا. بۇدان بۇرىن قازاقستان «وتوكار» (Otokar) كومپانياسىنىڭ 10 «كوبرا» بروندى كولىكتەرىن ساتىپ الدى. تۇرىكتىڭ «اسەلسانى» (Aselsan) 2013 -جىلى ەلەكتروندىق- وپتيكالىق جۇيە مەن قازاقستاننىڭ ءا ك تۇندە جارىقتاندىرۋ جۇيەسىن ءوندىرۋ ءۇشىن «قازاقستان ينجينيرينگ» - «قازاقستان اسەلسان ينجينيرينگپەن» بىرلەسكەن كاسىپورىن قۇردى.
تۇرىكتىڭ «ВМС» كومپانياسىنىڭ بىرلەسكەن جوبالارىنىڭ پەرسپەكتيۆالارى ازىرگە انىق ەمەس ەكەنىن اتاپ وتكەن ءجون، سەبەبى قازاقستان نارىعى اتالعان سەگمەنتتە اسا قانىق. سونىمەن، 2013 - جىلى وڭتۇستىك افريكالىق «توپ پاراماۋنت» قازاقستاندا دوڭگەلەكتى اسكەري بروندى اۆتوموبيل ءوندىرىسىن قۇرۋ نيەتىن مالىمدەگەن.
«قازاقستان ينجينيرينگ» بروندى تەحنيكا ۇلگىلەرىن بىرلەسىپ ازىرلەۋ اياسىندا رەسەيلىك «ورالۆاگونزاۋىتى» كورپوراتسياسىمەن دە تىعىز ىنتىماقتاستاتىن بولادى.
