ليۆيادا سودىرلار ديپلوماتتاردى تۇتقىنعا الدى

 استانا. قازاقپارات - ليۆياداعى تۋنيستىڭ كونسۋلدىعىنا بەلگىسىز بىرەۋلەر شابۋىل جاساپ، 10 بىردەي ديپلوماتتى ايداپ اكەتتى، دەپ حابارلادى www.24.kz.

ادەتتە تۇتقىنداردى اقشاعا نەمەسە سىبايلاستارىنا ايىرباستايتىن سودىرلاردىڭ ارەكەتى تاڭعالدىرىپ جاتىر. سەبەبى ولار «ليۆيا تاڭى» اتتى بۇلىكشى توپ كوسەمىنىڭ نە سەبەپتى ۇستالعانىن ايتۋدى تالاپ ەتكەن.

 ولاردىڭ ۆاليدا كليبا ەسىمدى جاقتاسى وسىدان ءبىر اي بۇرىن تۋنيستە تۇتقىندالعان بولاتىن. كەيبىر مالىمەتتەر بويىنشا، جوعارىدا اتالعان كونسۋلدىق قىزمەتكەرلەرى جۋىق ارادا بوساتىلۋى ءتيىس.