و ق و- دا كامەلەتكە تولماعانداردىڭ قۇقىقتارى قورعالدى

 استانا. قازاقپارات - پروكۋراتۋرا ورگاندارىنىڭ موبيلدىك توبىمەن ادامدار كوپ شوعىرلاناتىن ورىنداردا قايىرشىلىقپەن شۇعىلداناتىن كامەلەتكە تولماعانداردى انىقتاۋ ماقساتىندا رەيدتىك ءىس- شارالار ۇيىمداستىرىلدى،

 دەپ حابارلادى و ق و پروكۋراتۋراسىنان.

شارا ناتيجەسىندە ۆ. پلاتونوۆ ەسىمدى ازامات وزىمەن بىرگە تۇراتىن نەمەرەسى №57 جالپى ورتا مەكتەبىنىڭ 3 سىنىپ وقۋشىسى ا. پلاتونوۆانى شىمكەنت قالاسى، د. قونايەۆ پەن جەلتوقسان داڭعىلدارى قيىلىسىندا ورنالاسقان «لاۆاش ورتالىعى» ءدامحاناسىنىڭ الدىندا قايىرشىلىقپەن شۇعىلداندىرىپ، ءوزى سىرتتاي باقىلاپ تۇرىپ، جاسوسپىرىمگە قوعامعا جات ءىس- ارەكەت جاساتقانى انىقتالعان.

اتالعان دەرەك بويىنشا ۆ. پلاتونوۆقا قاتىستى ق ر  ق ك- ءنىڭ 133-بابىمەن (كامەلەتكە تولماعان ادامدى قوعامعا جات ارەكەتتەر جاساۋعا تارتۋ) قىلمىستىق ءىس قوزعالىپ، تەرگەۋ بارىسىندا ۆ. پلاتونوۆ مويىنداۋ جاۋابىن بەرىپ، سوتقا دەيىنگى تەرگەپ- تەكسەرۋ امالدارىن جۇرگىزۋ ناتيجەسىمەن قىلمىستىق ءىس نەگىزىنەن قاراۋ ءۇشىن سوتقا جولدانىپ، سوتپەن قارالۋدا. وسىلايشا، جاسوسپىرىم ا. پلاتونوۆانىڭ قوعامعا جات ءىس- ارەكەت جاساۋى تيىلىپ، ونىڭ كونستيتۋتسيالىق قۇقىعى قورعالدى.

سول سياقتى، تۇركىستان قالاسى پروكۋراتۋراسىمەن تۇركىستان قالاسىنداعى س. قوجانوۆ كوشەسى بويىندا ورنالاسقان «ءمادينا» تويحاناسىنىڭ الدىندا كامەلەتكە تولماعان 2 جاسوسپىرىم قايىرشىلىقپەن اينالىسىپ جۇرگەنى انىقتالىپ، تۇركىستان قالالىق ءى ءى ب- ءى قىزمەتكەرلەرىنە تاپسىرىلدى.

كامەلەتكە تولماعانداردىڭ اتا- انالارى ق ر ا ق ب ت ك- ءنىڭ 127 - بابىنىڭ 1 - بولىگىمەن اكىمشىلىك جاۋاپكەرشىلىككە تارتىلىپ، سوتتىڭ قاۋلىسىمەن ولارعا ايىپپۇل سالىندى.