سۇلتاناحمەت مەشىتىنە قانشا جىل بولعانىن بىلەسىز بە؟
التى مۇنارالى ايرىقشا مەشىت - وسمان يمپەرياسىنىڭ گۇلدەنگەن داۋىرىندە تۇرعىزىلعان كورنەكتى ساۋلەت تۋىندىلارىنىڭ ءبىرى. ءتورت عاسىر بويى قالانىڭ اجارىن ارتتىرىپ تۇرعان مەشىت تۇرىك ەلىنىڭ ماقتانىشىنا اينالعان.
قۇلشىلىق ورداسى سۇلتان احمەد بيلىگى تۇسىندا سەدەفكار مەحمەت اگي ەسىمدى ساۋلەتشىنىڭ جوباسىمەن سالىنعان. قۇلشىلىق ورداسىنىڭ قۇرىلىسى 1609-جىلى باستالىپ، 1617-جىلدىڭ 9-ماۋسىمىندا اياقتالعان بولاتىن.
مەشىت قابىرعالارى 20 مىڭنان استام كوك، جاسىل جانە اق ءتۇستى قىش تاقتالارىمەن ورىلگەن. شەبەر پايدالانىلعان بۇل قىش تاقتالار مەشىتكە كوك ءتۇس بەرىپ تۇراتىندىقتان، سۇلتاناحمەت مەشىتى ەل اراسىندا «كوك مەشىت» دەپ تە اتالادى.
مەشىت كۇمبەزىنە قۇران اياتتارى مەن مۇحاممەد (س. ع. س. ) پايعامباردىڭ حاديستەرىمەن بەزەندىرىلگەن. ال، تەرەزەلەردەن تۇسكەن كۇن ساۋلەسىن مەشىت ءىشىن ۇنەمى سامالاداي جارىق ەتىپ تۇرادى.
