اتىراۋدا ءبىر بولىگى وپىرىلىپ قۇلاعان جاتاقحانانىڭ تۇرعىندارى باسپانالى بولدى

استانا. قازاقپارات - اتىراۋدا ءبىر بولىگى وپىرىلىپ قۇلاعان وتباسىلىق تيپتەگى جاتاقحانانىڭ تۇرعىندارى باسپانالى بولدى، - دەپ حابارلايدى «موي گورود».

باسىلىمنىڭ مالىمەتىنشە، تۇرعىندار «نۇرسايا» ىقشاماۋدانىنداعى 9 قاباتتى ۇيگە قونىستانعان. بەرىلگەن پاتەرلەردىڭ بارلىعى ءبىر بولمەلى، اۋدانى 35 شارشى مەتر. جاڭا پاتەرگە يە بولعانداردىڭ ىشىندە بالالار ءۇيىنىڭ تاربيەلەنۋشىلەرى مەن مۇگەدەكتەر دە بار. ايتا كەتەيىك، تۇرعىنداردى جاڭا قونىسىمەن قۇتتىقتاۋعا وبلىس اكىمى باقتىقوجا ىزمۇحامبەتوۆ كەلدى.

ەسكە سالا كەتەيىك، 2015 -جىلدىڭ 31 -مامىرىندا اتىراۋدا بەس قاباتتى جاتاقحانانىڭ ءبىر بولىگى وپىرىلىپ قۇلاعان بولاتىن. كەيىن ينتەرنەتتە ءۇيدىڭ قۇلاپ جاتقانى بەينەلەنگەن ۆيدەو پايدا بولدى. دەر كەزىندە ەۆاكۋاتسيالاۋدىڭ ناتيجەسىندە زارداپ شەككەندەر مەن قازا تاپقاندار بولمادى.