ەكى ميلليون ءسابيدى اجالدان قۇتقارۋعا سەبەپ بولعان دونور

استانا. قازاقپارات - اۆستراليالىق دجەيمس حارريسون اتتى قارتتى جۇرتى «التىن قولدى ادام» دەپ اتايدى.

ءبىراق ونىڭ قولى اسىل مەتالدان جارالعاندىقتان ەمەس. سەبەبى جاسى سەكسەنگە تاياپ قالعان قاريا وسى كەزگە دەيىن قولىنان 1 مىڭنان استام دونورلىق قان تاپسىرعان.

رەسمي دەرەكتەرگە سايكەس، دجەيمس 60 جىل بويى 2 ميلليوننان استام بالانىڭ ءومىرىن قۇتقارىپ قالۋعا سەبەپشى بولعان. دارىگەرلەر بۇل ەر ادامنىڭ قانىندا جاڭا تۋىلعانداردى رەزۋس- كونفليكت نەمەسە گەموليتيكالى اۋرۋدان قۇتقارىپ قالاتىن انتيدەنەلەرى بار وتە سيرەك كەزدەسەتىن قاننىڭ يەسى ەكەندىگىن ايتتى.

جالپى دجەيمستىڭ وسىنشا رەت دونور بولۋىنىڭ ءوز تاريحى بار. ول ون ءتورت جاسىندا وتا جاساتىپ، ءبىر وكپەسىن تولىقتاي الدىرتىپ تاستايدى. سول ساتتە ونىڭ ءومىرىن اراشالاپ قالۋ ءۇشىن 30 ليتر قان كەرەك بولىپ، ول بەلگىسىز دونورلاردان قۇيىلادى.

جۇكتى ايەلدىڭ بويىنداعى انتيدەنەلەر قۇرساقتاعى شارانانىڭ قان جاسۋشالارىن جويۋى سالدارىنان سول شارانا تۋىلعان كەزدە پايدا بولاتىن گەموليتيكالى اۋرۋمەن كۇرەستە تاپ وسى حارريسوننىڭ قانى تاپتىرمايتىن قۇرال، - دەيدى عالىمدار.

islam.kz