الماتىداعى جول-كولىك وقيعاسى: «جۇرگىزۋشى ءوزىن قاتىن سياقتى ۇستادى» دەدى
ول بۇل تۋرالى Facebook الەۋمەتتىك جەلىدەگى پاراقشاسىندا جازدى.
«قىزىمدى كولىگىمەن قاعىپ كەتكەن جۇرگىزۋشى تۋىستارىمەن كەلدى. ول ارتىنا تىعىلىپ كەلىپ وتىرعان تۋىستارى (ولار ۇشەۋ) ءۇشىن ماعان وتە وكىنىشتى. ولار جۇرگىزۋشىنىڭ جۇرەگى اۋىراتىنىن، ەكى بالاسى بار ەكەنىن ايتتى...
العاشقى كەزدەسۋدە مەن شىداماي كەتىپ، ويىمداعىنى اشىق ايتتىم! كەيىن ونىڭ اپكەسى كەلىپ جۇرەگى اۋىراتىنىن تاعى ايتتى. ولار ەم ءۇشىن اقشا تولەيدى، بۇل زاڭدا قاراستىرىلعان. كەيىن سوت بولادى، شەشىم قانداي بولسا، سول بولادى! ول ەكى جىلعا دەيىن باس بوستاندىعىنان ايىرىلۋى مۇمكىن! ول ءوزىن نەلىكتەن «قاتىن» سياقتى ۇستاعانىن تۇسىنبەيمىن! كەشىرىڭىزدەر، باسقا تەڭەۋ تابا المادىم!»، - دەدى عاليا قويانبايەۆا.
ونىڭ ايتۋىنشا، قىزىنىڭ بەتىنىڭ وڭ جاعى سال بولىپ، دەنەسىندە ويىق پايدا بولعان. «ول ءالى دە ءالسىز! كەلەسى اپتادا بۇعاناسىنا وپەراتسيا جاسالادى»، - دەدى جابىرلەنگەن بويجەتكەننىڭ اناسى.
بۇعان دەيىن عاليا قويانبايەۆا كەيبىر پىكىرلەر ونىڭ كۇمانىن تۋدىرعانىن ايتقان بولاتىن. «نۋر. ك ز سايتىنداعى كەيبىر پىكىرلەردى وقىپ تاڭعالعانىمدى جاسىرمايمىن. مەن قىلمىسكەردى پايدا تابۋ ماقساتىندا ىزدەپ جاتىر دەپ جازىپتى! رەسمي تۇردە ەستەرىڭىزگە سالايىن، مەن قىلمىسكەردى تاپقان ادامعا سىياقى بەرەتىنىمدى ءوزىم ايتتىم، كومەك كورسەتەم دەۋشىلەرگە بانكتەگى شوتىمنىڭ نومەرىن بەرۋدەن ءوزىم باس تارتتىم!!!
ماعان ونىڭ اقشاسى كەرەك ەمەس! مەن ءوز قىزىمدى ساتپايمىن! مەن تەك مىنا ادامنىڭ ەشقاشان كولىك جۇرگىزبەۋىن قالايمىن! ەشقاشان! كۋاگەرلەر بولمادى دەپ تە جازىپ جاتىر. مەنىڭ قىزىما العاشقى بولىپ قاسىنان ءوتىپ بارا جاتقان جاس جىگىت كومەك كورسەتتى. ولار قاققان كولىكتىڭ قارا دجيپ ەكەنىن ايتتى.
«جالعان ۆيدەوعا» كەلەر بولساق، بۇل اپات بولعانعا دەيىن بىرنەشە سەكۋند بۇرىن جانارماي بەكەتىنىڭ كامەراسىنا ءتۇسىپ قالعان. بەكەت «ازيا توتال» دەپ اتالادى، سەنىڭىزدەر! بارلىعىنىڭ سۇراقتارىنا جاۋاپ بەردىم دەپ ويلايمىن؟! ماعان قولداۋ كورسەتكەندەردىڭ بارلىعىنا العىس ايتقىم كەلەدى! جاناشىر ادامداردىڭ كوپ بولعانى ءۇشىن راحمەت!»، - دەپ جازدى ول ءوز اككاۋنتىنان.
ەسكە سالا كەتەيىك، 5 -ماۋسىمدا قارا ءتۇستى جول تالعامايتىن كولىك 18 جاستاعى قىزدى قاعىپ كەتىپ، وقيعا ورنىنان ءىز جاسىرعان بولاتىن. قىز بولسا بۇعاناسى سىنىپ، باسسۇيەك مي جاراقاتىمەن جان ساقتاۋ بولىمىنە ءتۇستى.
قىزدىڭ اناسى پوليتسياعا حابار بەرىپ، الەۋمەتتىك جەلى قولدانۋشىلارىنان كىنالىنى تاۋىپ بەرۋلەرىن سۇراعان بولاتىن. 10 -ماۋسىمدا كىنالى دەلىنگەن جۇرگىزۋشى ۇستالدى. جول-كولىك وقيعاسىن قاراساي اۋدانىنىڭ 1987 -جىلعى تۇرعىنى جاساعان ەكەن. ول كىناسىن مويىندادى جانە قازىرگى ۋاقىتتا ودان جاۋاپ الىنىپ جاتىر.
جول اپاتى كەزىندە ول قارا ءتۇستى Jeep Grand Cherokee اۆتوموبيلىنىڭ تىزگىنىندە بولعان، كولىك ونىڭ تۋىسىنىڭ يەلىگىندە.
