تارازدا ۆەلوسيپەدپەن ادام قاعىپ ولتىرگەن قىز پوليتسياعا ءوزى بارىپ، قاشپاعانىن ايتتى
19 جاستاعى قىز تارازداعى كوللەدجدەردىڭ ءبىرىنىڭ ستۋدەنتى بولىپ شىقتى.
تەلەارنانىڭ حابارلاۋىنشا، استانادان تارازعا قوناققا كەلگەن 32 جاستاعى كەلىنشەكتى بەلگىسىز بىرەۋ ۆەلوسيپەدپەن قاعىپ ءولتىرىپ، كەيىن وقيعا ورنىنان كەتىپ قالعان.
دەگەنمەن، پوليتسەيلەر ستۋدەنت قىزدىڭ قاشپاعانىن ايتتى. جەدەل-جاردەم جابىرلەنۋشىنى جان ساقتاۋ بولىمىنە الىپ كەتەدى. ەشكىم كىنا ارتپاعان سوڭ ۆەلوسيپەدپەن ادام قاققان قىز بالا وقيعا ورنىنان كەتىپ قالعان.
«وسى وقيعا تۋرالى جاڭالىقتاردان كورگەن 19 جاستاعى ازاماتشا ءى ءى ب ءوزى كەلىپ، كىناسىن تولىقتاي مويىندادى. ول 1996 -جىلى تۋىلعان جامبىل وبلىسىنىڭ تۇرعىنى. اتالعان دەرەك بويىنشا ق ر ق ك 104-بابى، 1 -ءبولىمى «ابايسىزدا قازاعا ۇشىراتۋ» بويىنشا ءىس قوزعالدى. ول 3 جىلعا دەيىنگى مەرزىمگە باس بوستاندىعىنان شەكتەلۋى مۇمكىن نەمەسە سول مەرزىمگە باس بوستاندىعىنان ايىرىلادى. قىز قازىر تەرگەۋ اباقتىسىندا، ءبىراق كەيىن ۇيىنە جىبەرىلەتىن بولادى»، - دەدى جامبىل وبلىسى ءى ءى د باسپا ءسوز حاتشىسى گۇلسارا مۇحتارقۇلوۆا.
قىزدىڭ ۆەلوسيپەدتى جالعا بەرەتىن ورىننان كەشكە قاراي العانى بەلگىلى بولدى.
