تۇرىكتىڭ گيرەسۋن قالاسىندا قازاقستان كۇندەرى ءوتتى

استانا. قازاقپارات - تۇركيانىڭ قاراتەڭىزدىك جاعالاۋدا ورنالاسقان گيرەسۋن قالاسىندا قازاقستان كۇندەرى ءوتتى، دەپ حابارلادى ق ر س ءى م باسپا ءسوز قىزمەتى.

شاراعا قالا باسشىلىعى، «گيرەسۋن» ۋنيۆەرسيتەتىنىڭ رەكتورى، ءوڭىردىڭ قوعامدىق، ساياسي جانە اكادەميالىق توپتارىنىڭ وكىلدەرى، ەل پارلامەنتىنىڭ دەپۋتاتتارى، تۇركياداعى قازاقستان ەلشىلىگىنىڭ ديپلوماتتارى قاتىستى.

قازاقستان كۇندەرىنىڭ اشىلۋ سالتاناتىندا ءسوز سويلەگەن «گيرەسۋن» ۋنيۆەرسيتەتىنىڭ رەتورى، پروفەسسور ايپون اتتار قازاقستان قازىرگى كەزدە ءتيىمدى مەملەكەت قۇرۋ جولىندا اۋقىمدى رەفورمالاردى باستاعانىن اتاپ ءوتتى. «ءبىز «ۇلت جوسپارى» ءورشىل تالابى ەلدى الەمنىڭ دامىعان مەملەكەتتەرىنىڭ قاتارىنا شىعاراتىنىنا سەنىمدىمىز»، - دەپ اتاپ كورسەتتى پروفەسسور.

شارا اۋقىمىندا قازاقستان تۋرالى فيلم كورسەتىلىپ، قازاقستان- تۇرىك قاتىناستارى تۋرالى فوتوكورمە ۇيىمداستىرىلدى جانە قازاقستاندىق شىعارماشىلىق ۇجىمدار ونەر كورسەتتى.

گيرەسۋن قالاسىنىڭ ىرگەسىن گرەكتەر قالاعان، ونىڭ ەجەلگى تاريحى بار. گيرەسۋن پروۆينتسياسى الەمدە ورمان جاڭعاعىن ءىرى ءوندىرۋشى. وڭىردە جىلىنا 625 مىڭ تونناعا جۋىق ورمان جاڭعاعى وندىرىلەدى، بۇل الەمدىك نارىقتىڭ 75 پايىزىن قۇرايدى.

www.24.kz