10:27, 13 - ماۋسىم 2015 | GMT +5
ا ق ش ەلشىلىگى تەحنيكالىق اقاۋلارعا بايلانىستى ۆيزا بەرۋدى توقتاتتى
استانا. قازاقپارات - ا ق ش مەملەكەتتىك دەپارتامەنتى كونسۋلدىق قىزمەتتەر بيۋروسى جۇما كۇنى تەحنيكالىق اقاۋلارعا بايلانىستى ءوز ەلشىلىكتەرىندە ۆيزا مەن شەتەلگە شىعۋ ءتولقۇجاتىن بەرۋدى ۋاقىتشا توقتاتتى.
بۇل تۋرالى سىرتقى ساياسي ۆەدومستۆو باسپا ءسوز قىزمەتىنە سىلتەمە جاساپ ت ا س س حابارلادى.
«بۇل پروبلەما ناقتى قانداي دا ءبىر ەلگە، ازاماتتىق نەمەسە ۆيزالىق سانات تۋرالى قۇجاتقا قاتىسى جوق»، - دەپ مالىمدەدى مەملەكەتتىك دەپارتامەنتتە.
وقيعاعا كونسۋلدىق دەرەكقور ساقتالاتىن جابدىقتىڭ ىستەن شىعۋى سەبەپ بولعان. 9 -ماۋسىمنان كەيىن ءوتىنىم بەرگەن ادامدار ەندى قۇجاتتى ءبىرشاما كەشىكتىرىپ الۋى مۇمكىن. ۆەدومستۆودا بۇل جاعداي تەك ا ق ش شەتەلدىك وكىلدىكتەرىنە قاتىستى ەكەنىن اتاپ ءوتتى.
مەملەكەتتىك دەپارتامەنتتە بولعان جاعدايعا وكىنىش بىلدىرەدى. «بۇل ماسەلەنى تەزىرەك رەتكە كەلتىرۋگە تىرىسامىز. جۇيە جۋىق ارادا تولىقتاي ىسكە قوسىلادى دەپ ويلايمىن»، - دەدى باسپا ءسوز قىزمەتىنەن.
