10:15, 13 - ماۋسىم 2015 | GMT +5
رەسەيدە سۋرەتشىلەر كوشەدەگى شۇڭقىرعا جەرگىلىكتى گۋبەرناتوردىڭ پورترەتىن سالدى - فوتو
استانا. قازاقپارات - ساراتوۆتا سۋرەتشىلەر جولداعى پروبلەمالاردى كوتەرۋدىڭ ەرەكشە جولىن تاڭدادى.
ولار ساككو جانە ۆانسەتتي كوشەلەرىنىڭ قيىلىسىندا، اسفالتتاعى شۇڭقىردىڭ ۇستىنە گۋبەرناتور ۆالەري رادايەۆقا ۇقساس ادامنىڭ پورترەتىن سالدى.
مۇنى كورگەن جول قىزمەتى سۋرەتتى دەرەۋ سۋمەن جۋىپ تاستاماققا ارەكەتتەندى. بۇدان تۇك شىقپاعان سوڭ اق ونى اق سىرمەن بويادى. ءبىراق ولار مۇنى پورترەت الەۋمەتتىك جەلىگە شىعىپ كەتكەن سوڭ قولعا العان ەدى.
جەرگىلىكتى سۋرەتشىلەردىڭ ويلاعانى ىسكە اسقانداي. شۇڭقىر ادامنىڭ اۋزىنا ۇقساس بولىپ شىعا كەلدى.
تاياۋدا وسى شۇڭعىرعا جول تازارتىپ جۇرگەن كاماز كولىگى قۇلاپ كەتكەن بولاتىن. جول- كولىك وقيعاسىنىڭ بولعانىنا ءبىر اپتا وتسە دە ازىرگە بۇل ۋچاسكە جوندەلە قويعان جوق، دەپ حابارلايدى auto.bigmir.net.
