الماتىدا وتكەن قازاقستان - تۇركيا اراسىندا فۋتبولدان ىرىكتەۋ تۋرنيرى اياقتالدى
يۋريي كراسنوجاننىڭ شاكىرتتەرى وكىنىشكە قاراي، تۇركيالىقتاردان 0:1 ەسەبىمەن جەڭىلدى.
ويىننىڭ العاشقى مينۋتىنان باستاپ، وتانداستارىمىز الاڭنىڭ ورتالىق بولىگىن ءوز باقىلاۋلارىندا ۇستاۋعا تىرىستى. ونىڭ ۇستىنە يۋريي كراسنوجاننىڭ شاكىرتتەرى 3-5-2 سحەماسىمەن وينادى. دەگەنمەن، ماتچ تەڭ دارەجەدە ءوربىدى.
ويىننىڭ 12- مينۋتىندا قارسىلاستار قاقپاسىنا جەكە دارا شىققان جارتىلاي قورعاۋشى ۇلان نوسەربايەۆ دوپقا دەر كەزىندە جەتە المادى. قاقپاشى دوپتى سىرتقا تەۋىپ ۇلگەردى. تۇركيالىقتار بىرنەشە رەت ءقاۋىپتى ءسات تۋعىزعانىمەن، قاقپاشىمىز ستاس پوكاتيلوۆ شەبەر ويناپ، قاقپاعا دوپ دارىتپادى. ول اسىرەسە ويىننىڭ 27- مينۋتىندا اردا تۋراننىڭ بىرنەشە ويىنشىنى الداپ ءوتىپ قاقپاعا تەپكەن دوبىن قايتارىپ، تاماشا «سەيۆ» جاسادى. ال ويىننىڭ 34- مينۋتىندا قازاقستان قۇراماسىنىڭ قورعاۋشىسى دميتريي شومكونىڭ سول قاپتالدان بىرنەشە مەتر جەردەن شىرەنە تەپكەن دوبىن ۆولكان بابادجان قاعىپ ۇلگەردى.
ءبىرىنشى تايمدا ەسەپ اشىلعان جوق. وسىلايشا، قازاقستان قۇراماسى ءوز تاريحىندا تۇڭعىش رەت تۇركيا قۇراماسىنا قارسى التىنشى ويىننىڭ العاشقى جارتىسىندا تەڭ دارەجەدە ويىن ورنەگىن كورسەتتى.
ەكىنشى تايمنىڭ العاشقى بولىگىندە وتانداستارىمىز باسىمدىق تانىتتى. ءبىراق، وكىنىشكە قاراي، ستاندارتتىق جاعدايلاردى ۇتىمدى پايدالانا المادى. ويىننىڭ 66- مينۋتىندا سامات سماقوۆ جاراقات الۋىنا بايلانىستى ونىڭ ورنىنا قورعاۋشى ابزال بەيسەبەكوۆ جاسىل الاڭعا شىقتى. ال كاپيتاندىق جاۋاپكەرشىلىك جارتىلاي قورعاۋشى باۋىرجان يسلامحانعا جۇكتەلدى. ويىننىڭ 71- مينۋتىندا ويىن تىزگىنىنە يە بولعان تۇرىكتەر بىرنەشە رەت وتە قاۋىپتى ءسات تۋعىزدى.
وڭ قاپتالدان تەبىلگەن دوپ قاقپانى جاناي وتسە، شابۋىلشى بۋراك يىلمازدىڭ بىرنەشە مەتر جەردەن تەپكەن دوبى قاقپانىڭ باعانىنا ءتيدى. دەگەنمەن، ويىننىڭ 83- مينۋتىندا ايىپ الاڭىندا كەيىن سەرپىلگەن دوپتى قايىرا تەۋىپ، اردا تۋران ستاس پوكاتيلوۆتىڭ قاقپاسىنا گول سالدى. وكىنىشكە قاراي جىگىتتەرىمىز ويىننىڭ سوڭىنا قاراي، شارشاپ قالدى ما، سۇرەڭسىز وينادى.
قورىتىندى ەسەپ 0:1.
اۆتور: جاپپاربەرگەن ايبوتا
