پاۆلوداردا جاس ونەرتاپقىشتار ءوز زىمىراندارىن ۇشىردى
ەكى كۇن بويى 128 مودەلشى ءوز پلانەرلەرىنىڭ، زىمىراندارى مەن كەمەلەرىنىڭ قانداي دەڭگەيدە ەكەندىگىن كورسەتەدى.
قالا سىرتىنداعى كەنجەكول ەلدى مەكەنىندە اۋەدە 40 پلانەر ۇشىپ جۇرسە، 14 زىمىران اسپانعا اتىلدى، دەپ حابارلادى ءبىلىم باسقارماسىنىڭ مامانى بالجان ءادىلحانوۆا.
قالادا ۋسولكا وزەنىنىڭ جاعاسىندا 30 بالا وزدەرى جاساعان ءار ءتۇرلى كەمەلەرىن كورسەتتى.
«جاس مودەلشىلەردىڭ باسەكەسى قازاقستاندا جىل سايىن وتكىزىلەدى»، - دەپ اتاپ ءوتتى ءبىلىم جانە عىلىم مينيسترلىگىنىڭ «رەسپۋبليكالىق قوسىمشا بەرۋ وقۋ- ادىستەمەلىك ورتالىعىنىڭ» ديرەكتورى رايسا شەر.
«وتكەن جىلى بالالار اقتوبە وبلىسىندا اۆيامودەليزم جانە كەمە جاساۋدان جارىستى. ال بيىلعى جىلى پاۆلودار تاڭدالدى. ويتكەنى مۇندا جاس تەحنيكتەردىڭ شىعارماشىلىعىنا جان- جاقتى جاعداي تۋعىزىلعان بالالار تەحنيكالىق مەكتەبى تابىستى جۇمىس ىستەپ جاتىر».
الدا ءالى باسەكەنىڭ ءۇش ءتۇرى بار. ولار ەرتەڭ وتەدى جانە جەڭىمپازداردىڭ ەسىمدەرى اتالادى.
