شىمكەنتتە مەملەكەتتىك تۋمەن قوقىس تاسىعاندار قولعا ءتۇستى

استانا. قازاقپارات - قوقىس تاسيتىن كولىكتىڭ جۇرگىزۋشىسى مەن ەكى جۇمىسشىنى قۇقىق قورعاۋ ورگاندارى بىرنەشە ساعاتتىڭ ىشىندە ىزدەپ تاپقان.

تەرگەۋ كەزىندە ولار «شۋ شىعاراتىنداي ەش نارسە جاسامادىق» دەپ اقتالدى. «ءبىز مەملەكەتتىك تۋدى توزعان كۇيىندە تاپتىق. وعان قوقىستى ادەيىلەپ سالعانمىز جوق. ونى «نۇر وتان» پارتياسىنىڭ فيليالىنا تاپسىرماق ويىمىز بولدى.

الايدا جۇمىستى اياقتاعانشا، تۋ ءىزىم- عايىم جوق بولدى»، - دەپ ءتۇسىندىردى كولىك جۇرگىزۋشىسى مەيرامبەك سايلاۋبەكوۆ.

ەستەرىڭىزگە سالايىق، بۇل وقيعا بەينەلەنگەن سۋرەت الەۋمەتتىك جەلىلەردىڭ بىرىندە جاريالانعان بولاتىن. سۋرەتتە ەر ادام مەن ايەلدىڭ مەملەكەتتىك تۋدى جەرگە توسەپ، ىشىنە قوقىس سالىپ جاتقانى بەينەلەنگەن. اكىمدىكتەگىلەر بۇل جايتقا بەي- جاي قاراماي، شۇعىل تۇردە ءىستى قولعا الدى. كولىكتىڭ «بەك-اسىل سەرۆيس» ج ش س تيەسىلى ەكەندىگى انىقتالدى.

www.24.kz