شىمكەنتتە تۋريستىك اۆتوبۋستار جولعا قويىلدى

استانا. قازاقپارات - شىمكەنتتە العاش رەت بالالار مەن قوناقتاردى، ساياحاتشىلاردى تاسيتىن ەكى قاباتتى ەكى اۆتوبۋس پايدا بولدى.

شار ءىلىنىپ، ەرەكشە بەزەندىرىلگەن اۆتوبۋستاردى شىمكەنتتىكتەر بىردەن بايقايدى. ۇلى بريتانيادان اكەلىنگەن 40 ورىندىق قوعامدىق كولىك ەندى ارنايى بەلگىلەنگەن كەستە بويىنشا جۇمىس جاسايدى.

شارانى ۇيىمداستىرۋدى قالا اكىمدىگى، و ق و كاسىپكەرلىك يندۋستريالدى- يننوۆاتسيالىق جانە تۋريزم باسقارماسى مەن «جىبەك جولى» تۋريستىك كومپانياسى ءوز موينىنا الىپتى. تۋريستىك اۆتوبۋس بالالاردىڭ جازعى دەمالىسىن ۇيىمداستىرىپ، ىشكى ءتۋريزمدى دامىتۋعا، ونى ناسيحاتتاۋعا مۇمكىندىك بەرەدى.

سونىمەن قاتار شاھارىمىزداعى دەمالىس ورىندارى مەن ساياباقتار، اللەيالار مەن اكىمشىلىك- ىسكەرلىك ورتالىقتارىن تاماشالاۋ ارقىلى قالامىز تۋرالى تەرەڭىرەك بىلۋگە بولادى. اباي ساياباعىنان باستاۋ الاتىن باعىت ورداباسى الاڭى، تاۋەلسىزدىك ساياباعى، دەندروساباق پەن زووباققا دەيىن جالعاساتىن بولادى. ال ۇيىمداستىرۋشىلار بۇل شارا كۇن سۋىتقانعا دەيىن جالعاسادى دەپ وتىر. اۆتوبۋستا ارنايى گيدتەر جۇمىس جاسايدى. جاقىن كۇندەرى اۋديوگيد ىسكە قوسىلماق.

سونىمەن قاتار الداعى ۋاقىتتا تۇركىستان قالاسىنا ساياحات ۇيىمداستىرۋ دا جوسپارلانىپ وتىر.