ۇ ك پ مەن مەملەكەتتىك كىرىستەر كوميتەتى كاسىپكەرلەردى «قىسپايتىن» بولادى

استانا. قازاقپارات - قازاقستاننىڭ ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ بارلىق وڭىرلەردىڭ كاسىپكەرلەرى قاتىسقان جيىن جايىندا ايتىپ بەردى.

«ءبىر جارىم ساعات بويى ماڭىزدى پىكىر الماسۋلار بولدى. ەكى سۇراق قارالدى. ءبىرىنشىسى - بەس ينستيتۋتسيونالدى رەفورمالاردى ورىنداۋعا باعىتتالعان «100 ناقتى قادام» اياسىنداعى رەفورمالار. ولاردىڭ ەكى قادامى - 44- جانە 45- جاناما سالىقتارعا قاتىستى. ق ق س سالىعىن ساتىلىم سالىعىنا الماستىرۋ مۇمكىندىگىن قاراۋ كەرەك. كەشە پىكىر الماسۋ بولدى. ەكىنشى ماسەلە دە وتە ماڭىزدى - ارنايى سالىق رەجيمدەرىنىڭ رەفورماسى، ول 2017 -جىلى ەنگىزىلەدى. بۇل پىكىرتالاستار 2,5-3 -جىلدىڭ كولەمىندە تالقىلانۋدا»، - دەدى ا. مىرزاحمەتوۆ.

ونىڭ ايتۋىنشا، تۋىنداعان ماسەلەلەردى بىردەن دوڭگەلەك ۇستەل باسىنا كەزدەسىپ شەشىپ وتىرۋ كەرەك.

«سىزدەر بىلەسىزدەر، مەملەكەتتىك كىرىستەر كوميتەتى قازىر حرونومەتراج ەنگىزۋدە. ءبىز كوميتەتپەن بىرگە كەلىستىك، بارلىق شارالار الدىن الۋ جانە تالداۋ ماقساتىندا جاسالادى. مۇندا ماسەلەنى ناقتى انىقتاۋدىڭ ماڭىزى جوعارى، ادەتتە بىزدە بيزنەستى «قىسا» باستايدى، ونىڭ ورنىنا ماسەلەلەردى ديسكۋسسيالار بارىسىندا شەشىپ وتىرعان دۇرىس»، - دەدى ول.

اۆتور: جاسۇلان جولدىبايەۆ