الەمگە تانىمال ميللياردەردىڭ تابىسقا جەتۋ جولى
كريس تۋعاندا اكەسى وتباسىن تاستاپ كەتتى. ال وگەي اكەسى قاتىگەز ادام بولاتىن. بالانى ءوسىرىپ، تاربيەلەگەن سۇيىكتى اعاسى ميسسيسيپي وزەنىندە باتىپ، قايتىس بولدى. ول كەزدە كريستىڭ اناسى اباقتىدا بولاتىن.
26 جاسقا تولعاندا جۇمىسىنان ايىرىلىپ، ايەلى مەن بالاسى قاشىپ كەتەدى. ول پاتەردە ەش اقشاسىز، كيىمسىز جاپادان جالعىز قالدى. بىرنەشە كۇننەن سوڭ ەكى اپتاعا اباقتىعا قامالدى. ونىڭ موينىندا 1200 دوللار كولەمىندە ايىپپۇل بولعان.
اباقتىدان بوساتىلعاننان كەيىن تۇرمە كيىمىمەن دەلدال (ماكلەر) كومپانياسىنا جۇمىسقا تۇرۋعا بارادى. ونىڭ ءبىر ايلىق جالاقىسى 1000 دوللار كولەمىندە ەدى. ال بۇل سوما ۇلكەن قالادا تۇراتىن ادام ءۇشىن وتە از بولاتىن.
كوپ ۇزاماي كريستىڭ ايەلى قايتىپ كەلىپ، بالانى تاستاپ كەتەدى. ول كەزدە كريس بالامەن تۇرۋعا بولمايتىن پاتەردە تۇراتىن. سول سەبەپتى بالاسى ەكەۋى بىرنەشە جىل بويى ءۇي- كۇيسىز، قاڭعىپ ءجۇردى.
28 جاسىنان باستاپ ماكلەر بولىپ قىزمەت اتقارىپ، كۇنىنە 200 دەي قوڭىراۋ شالىپ جۇرەتىن. كريس ءوزىنىڭ ارىپتەستەرىنە قاراعاندا 5 ەسە ەڭبەكتەنەتىن. ال كەشكى ۋاقىتتا ۇلىمەن پانالايتىن جەر ىزدەيتىن.
بالاباقشاداعى ورىن ءۇشىن توبەلەسىپ، ءۇيى جوق ادامدارعا ارنالعان تاعام كەزەگىندە ساعاتتاپ تۇراتىن. بالاسىمەن كەڭسە، باقشا، مەترونىڭ اجەتحاناسىندا تۇنەيتىن.
33 جاسقا كەلگەندە كريس 10000 دوللارمەن دەلدال كومپانياسىن قۇرادى. 47 جاسىندا العاشقى ءبىر ميلليوندىق كەلىسىمشارتقا قول قويادى. سول كەزدەن باستاپ ونىڭ كومپانياسى الەمنىڭ ەڭ تابىستى فيۋچەرستىك كومپانيالارىنىڭ ءبىرى اتاندى.
سودان بەرى كريس پەن ۇلىنىڭ ءومىرى قالىپقا كەلدى. بالا كەزىندەگى ارمانىن ورىنداپ، قىزىل فەرراري ساتىپ الىپ، كوپ جەرگە ساياحاتتاپ، قايىرىمدىلىق جوبالاردى قارجىلاندىرىپ، اقشاسى از ادامدارعا ءۇي سالدىرادى.
2006 -جىلى كريس گاردنەردىڭ ءومىرىن باياندايتىن «باقىتقا جەتۋ جولىندا/ۆ پوگونە زا سچاستەم» اتتى بيوگرافيالىق فيلم ءتۇسىرىلدى. باستى رولدى ۋيلل سميت سومدادى.
بۇل وقيعا ادامنىڭ كەز كەلگەن اۋىر جاعدايدى، قيىن كەزەڭدى كوتەرىپ، ارمانىنا جەتە الاتىنىن دالەلدەيدى. ال ءسىز ءوز ارمانىڭىزعا سەنەسىز بە؟
massaget.kz
