جەردى قاشىقتىقتان زوندتاۋ جەرسەرىگى قازاقستاننىڭ مەنشىگىنە ءوتتى
تۋلۋزادا ج ق ز عارىش جۇيەسىنىڭ مەنشىك قۇقىعىن ازىرلەۋشىدەن (فرانسۋزدىق Airdus Defence and Space كومپانياسى) قازاقستاندىق تاپسىرىس بەرۋشى «قازاقستان عارىش ساپارى» ۇ ك» ا ق- عا بەرۋ سەرتيفيكاتىنا قول قويىلدى.
«سوڭعى شتاتتىق پايدالانۋعا قابىلداۋ اكىسىنە قول قويعاننان باستاپ ق ر ج ق ز عارىش جۇيەسىنىڭ جەرسەرىگى مەن جەر ءۇستى ينفراقۇرىلىمىن ساقتاندىرۋ شارتى كۇشىنە ەنەدى»، - دەدى «قازاقستان عارىش ساپارى» ۇ ك» ا ق پرەزيدەنتىنىڭ مىندەتىن اتقارۋشى مارات نۇرعوجين.
قازاقستاندىق КazEOSat-1 جەرسەرىگى فرانسۋزدىق گۆياناداعى كۋرۋ عارىش ايلاعىنان 2014 - جىلعى 30 - ساۋىردە ەۋروپالىق «ۆەگا» زىمىران- تاسىعىشىمەن ۇشىرىلدى. جوعارى كەڭىستىكتىكتە 1 مەتر پانحروماتتىق رەجىمدى جانە 4 مەتر مۋلتيسپەكترالدىق رەجىمدى عارىش اپپاراتىنىڭ كوزگە كورىنەتىن، جاقىن ينفراقىزىل دياپازوندا مۋلتيسپەكترلىك ارنالارى بار. قامتۋ جولاعىنىڭ ەنى اپپارات ۇشىرىلىمى جەلىسىنىڭ ەكى جاعىن بۇرىشىنان ءتۇسىرۋ مۇمكىندىگىمەن 20 شاقىرىمدى قۇرايدى.
مەنشىك قۇقىعىن العان «قازاقستان عارىش ساپارى» ۇ ك» اق ءوز اكتيۆتەرىن ۇلعايتىپ، КazEOSat-1 دى كوممەرتسيالىق پايدالانۋعا كىرىسەدى.
مەنشىگىندە ج ق ز عارىش اپپاراتىنىڭ پايدا بولۋىمەن قازاقستان رەسپۋبليكاسى عارىش مونيتورينگى جانە بولجاۋ سالاسىنداعى ءوز وزىق تاجىريبەسىن پايدالانۋ مۇمكىندىگىنە يە بولادى. بۇل - توتەنشە جاعدايلاردىڭ الدىن الۋ، ونىڭ مونيتورينگى، ولاردىڭ سالدارىن باعالاۋ، پايدالى قازبالار مەن ەنەرگيا تاسىعىشتاردى بارلاۋ، ءوندىرۋ، جەردىڭ ەكولوگيالىق مونيتورينگى، ونى كارتوگرافيالاۋ، باقىلاۋ، جوسپارلاۋ، اۋىل شارۋاشىلىعى مەن ەلدىڭ قاۋىپسىزدىگى سياقتى مىندەتتەر.
