ۆەلوسيپەدپەن ادام قاعىپ ولتىرگەن تۇرعىن ىزدەستىرىلۋدە
جۇيىتكىگەن ۆەلوسيپەدتەن ءبىر جاسار بالاسىن قۇتقارىپ ۇلگەرگەن مارقۇم قاتتى سوققىدان ەس ءتۇسسىز قالعان. بالالى ايەلدى قاققان ادام كومەك كورسەتپەك تۇگىلى، وقيعا ورنىنان ءىز سۋىتقان.
قاقتىعىستان تالىپ قالعان جۇبايىن جولداسى دەرەۋ اۋرۋحاناعا جەتكىزەدى. دارىگەرلەر ءبىر جارىم ساعات وپەراتسيا جاساعانمەن اجالدان اراشالاپ قالا المادى. سوقتىعىستىڭ قاتتى بولعانى سونشالىق كوز جۇمعان كەلىنشەكتىڭ باس سۇيەگى سىنىپ كەتكەن. قازىر وسى ىسكە بايلانىستى قىلمىستىق ءىس قوزعالدى. ال، ادام قاققان كۇدىكتى 16-17 جاستاعى قىز بالا بولۋى مۇمكىن دەگەن دەرەك بار.
ايتا كەتۋ كەرەك، سوڭعى كەزدە تاراز قالاسىندا ۆەلوسيپەدتەردى جالعا بەرەتىن ورىندار كوبەيدى. الايدا، قوس دوڭعالاقتى ۆەلوكولىككە ارنالعان قالادا بىردە- ءبىر ارنايى جاسالعان جول جوق. كۇدىكتى - ۆەلوسيپەدتى قالانىڭ قاق ورتاسىندا جالعا بەرەتىن ورىنداردىڭ بىرىنەن الۋى دا مۇمكىن.
رۋسلان بايشەنوۆ، №1 تاراز قالالىق اۋرۋحاناسىنىڭ نەيروحيرۋرگ دارىگەرى:
تۇياقبايەۆا ساندۋعاش 1983 - جىلعى. ناۋقاس وتە اۋىر جاعدايدا، باس- مي جاراقاتىمەن اۋرۋحاناعا ءتۇستى. ەمدىك شارالاردىڭ جۇرگىزىلۋىنە قاراماستان، 8 - ماۋسىم كۇنى ناۋقاس قايتىس بولدى. ەسىن جيعان جوق، ەستۇسسىز ءتۇستى. اۋىر مي جاراقاتى بولعان. باس سۇيەگى سىنعان. وپەراتسيا 1-2 جارىم ساعات جاسالدى.
«31-ارنا» جاڭالىقتارى
