12:30, 12 - ماۋسىم 2015 | GMT +5
اقسۋ- جاباعىلى عالامدىق دەڭگەيدە قورعالاتىن بولدى
استانا. قازاقپارات- اقسۋ- جاباعىلى قورىعى يۋنەسكونىڭ بۇكىلالەمدىك قورعاۋعا الىنعان بيوايماقتار قاتارىنا ەندى. حالىقارالىق ۇيىمنىڭ شتاب- پاتەرىندە وسىنداي مالىمدەمە جاسالدى.
اقسۋ- جاباعىلى قۇستاردىڭ الۋان ءتۇرىن باقىلاپ، تابيعاتىنا ايرىقشا تامساناتىن ءارى تۋريستىك الەۋەتى زور مەكەن رەتىندە عالامدىق دەڭگەيدە قورعالاتىن بولدى. بۇل قورىق اتالمىش تىزىمگە ەل اۋماعىنداعى قورعالجىن، الاكول، قاتون- قاراعاي جانە اقجايىقتان كەيىن 5- بولىپ قوسىلدى.
ايتا كەتەيىك، حالىقارالىق ۇيىم قۇرامىندا الەمنىڭ 120 ەلىندەگى 651 تابيعاتى تىلسىم، سان ءتۇرلى جاراتىلىس يەسى مەكەندەيتىن ايماق بار. ەلىمىزدىڭ باي مۇراسىن زەرتتەپ، ونداعى تىرشىلىكتى تەرەڭىنەن زەردەلەپ جۇرگەن وتاندىق عالىمدار بۇل ورايداعى ەڭبەكتەرىن جالعاستىرا بەرمەك. ولار جىل سايىن كەمىندە 2 قورىقتى يۋنەسكو تىزىمىنە قوسۋدى كوزدەپ وتىر.
