ا ق ش «يسلام مەملەكەتىن» جويىپ جىبەرۋ مەرزىمىن اتادى
«بۇل ءۇش، بەس، جەتى نەمەسە ون جىلعا سوزىلاتىن ماسەلە - ونى ءبىر تۇندە شەشە سالۋعا بولمايدى. ا ق ش وزدىگىنەن «يسلام مەملەكەتىن» جويىپ جىبەرە المايدى. ءبىز تەك كومەك كورسەتە الامىز»، - دەدى ول. ونىڭ پىكىرىنشە، ەكسترەميستەرمەن كۇرەستى ءبىرىنشى كەزەكتە اراب ەلدەرى، ناقتىراق ايتقاندا يراك جۇرگىزۋى كەرەك. گەنەرالدىڭ ايتۋىنشا، باعدات «ءوز ەلى ءۇشىن سوعىسۋعا دايىن جاۋىنگەرلەردىڭ دايىندىعىنا» نازار اۋدارۋى كەرەك.
وسىعان دەيىن پەنتاگوندا ۆاشينگتوننىڭ «يسلام مەملەكەتىمەن» جۇرگىزىلگەن كۇرەسكە 2,7 ميلليارد دوللاردى جاراتقانى حابارلانعان بولاتىن. كۇن سايىنعى كۇرەستىڭ قۇنى 9 ميلليون تەڭگە كورىنەدى.
ەسكە سالا كەتەيىك، «يسلام مەملەكەتى» يراك پەن سيريا تەرريتورياسىنىڭ كوپ بولىگىن جاۋلاپ الدى. ورتالىق بارلاۋ باسقارماسىنىڭ مالىمەتىنشە، 30 مىڭعا جەتكەن سودىرلار توبى جاۋلاپ الىنعان جەرلەردە حاليفات جاريالاپ، اۋماعىن كەڭەيتۋگە تىرىسىپ جاتىر. «يسلام مەملەكەتى» توبى سيريادا ۇكىمەتتىك جاساقتارعا قارسى سوعىسسا، يراكتا جەرگىلىكتى اسكەريلەر مەن كۇرد حالىق جاساقتارى اراسىنداعى سوعىسقا ارالاسادى. سودىرلارعا قارسى سيريا، يراك جانە ا ق ش باسشىلىعىنداعى حالىقارالىق كواليتسيا كۇرەسىپ جاتىر.
