قازاقستاننىڭ باسىم بولىگىندە نايزاعاي ويناپ، جاڭبىر جاۋادى، وڭتۇستىكتە عانا - اپتاپ ىستىق

استانا. قازاقپارات - قازاقستاننىڭ سولتۇستىك، ورتالىق جانە شىعىس ايماقتارىندا اتموسفەرالىق اعىنداردىڭ وتۋىنە بايلانىستى تۇراقسىز اۋا رايى ساقتالادى، نايزاعاي ويناپ، جاڭبىر جاۋادى، جەل كۇشەيەدى، شىعىستا بۇرشاق جاۋۋى ىقتيمال، دەپ حابارلادى «قازگيدرومەت» ر م ك.

اقمولا، اتىراۋ، قوستاناي، پاۆلودار، كۇندىز ماڭعىستاۋ، قاراعاندى وبلىستارىنىڭ كەي جەرلەرىندە جەل 15-20 م/س- قا كۇشەيەدى.

شىعىس قازاقستان وبلىسىنىڭ كەي جەرلەرىندە جەلدىڭ ەكپىنى 15-20 م/س- قا دەيىن كۇشەيەدى، بۇرشاق جاۋۋى مۇمكىن.

سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى.

كۇندىز جامبىل، وڭتۇستىك قازاقستان وبلىستارىندا اپتاپ ىستىق بولادى.

اتىراۋ، باتىس قازاقستان، قىزىلوردا، وڭتۇستىك قازاقستان، جامبىل، الماتى وبلىستارىندا وتە جوعارى ءورت قاۋىپى ساقتالادى.