قۇرلىق اسكەرلەرىندە جاۋىنگەرلىك ازىرلىك دەڭگەيى جوعارى قولباسشىلىقتار مەن بولىمدەر اتالدى - فوتو
وعان بارلىعى شامامەن 200 ادام وڭىرلىك قولباسشىلىقتاردىڭ، اسكەر تەكتەرى مەن اسكەري بولىمدەردىڭ باسشىلىق قۇرامى قاتىستى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
اسكەري قىزمەتشىلەر جاۋىنگەرلىك ازىرلىكتى جەتىلدىرۋدىڭ وزەكتى ماسەلەلەرىن تالقىلادى، اسكەرلەردى جاۋىنگەرلىك دايارلاۋدىڭ جاڭا ۇلگىلەرى مەن قۇرالدارىن قاراستىردى. ماسەلەن، تانكتى اتىس قالاشىعى (تانك ارنايى تۇعىرنامادا بەكىتىلگەن، اتىس جاۋىنگەرلىك ماشينانى اۋىستىرۋسىز جۇرگىزىلەدى).
مۇندا 2015-جىلدىڭ ءبىرىنشى جارتى جىلدىعىنىڭ قورىتىندىسى شىعارىلدى. قازاقستاننىڭ قۇرلىق اسكەرلەرىندەگى ەڭ جاقسى دايىندالعان جانە جاۋىنگەرلىك قابىلەتتى دەپ گەنەرال-مايور مۇرات بەكتانوۆ قولباسشىلىق ەتىپ وتىرعان «شىعىس» وڭىرلىك قولباسشىلىعى جانە پولكوۆنيك امانگەلدى جانە سوۆتىڭ قاراماعىنداعى 37- دەسانتتىق-شابۋىلداۋ بريگاداسى تانىلدى.
«مەن جيىننىڭ ماقساتى مەن مىندەتى تولىق ورىندالدى دەپ ەسەپتەيمىن. قۇرلىق اسكەرلەرىنىڭ جاۋىنگەرلىك ازىرلىگى ارتىپ كەلە جاتىر. قازىر ءبىزدىڭ اسكەري قىزمەتشىلەردىڭ جاۋىنگەرلىك دايىندىق دەڭگەيىنە كوڭىلىمىز تولادى»، - دەدى ق ر ق ك قۇرلىق اسكەرلەرىنىڭ باس قولباسشىسى گەنەرال-لەيتەنات مۇرات مايكەيەۆ.
جەدەل-ادىستەمەلىك جيىندار 2010-جىلدان باستاپ ءار جارتى جىل سايىن وتەتىنىن ايتا كەتكەن ءجون.
