ماس پوليتسەي جۇيتكىتكەن كولىك ەكىنشى قاباتتاعى بالكوننان ءبىر-اق شىقتى - فوتو

استانا. قازاقپارات - رەسەيدە ماس پوليتسەي رۋلدە وتىرعان Subaru ەكىنشى قاباتتاعى بالكونعا سوعىلدى، دەپ حابارلايدى auto.bigmir.net.

انىقتالعانداي، اسا ۇلكەن جىلدامدىقپەن كەلە جاتقان Subaru Impreza جۇرگىزۋشىسى كولىك تىزگىنىنە يە بولا الماي، جولدان شىققان كۇيى اعاشقا سوعىلعان. قاتتى سوققىدان كەيىن سەرپىلگەن ماشينا اۋلا ىشىندە تۇرعان Subaru Impreza شاعىن اۆتوبۋسىنىڭ توبەسىنەن ءبىر-اق شىققان. ارتىنشا ەكپىنىمەن بىرنەشە رەت اۋادا اينالعان كۇيى تۇرعىن ءۇيدىڭ ەكىنشى قاباتىنداعى بالكوندى سوعىپ، ءبىرىنشى قاباتتاعى تەرەزەنى قيراتا جەرگە تۇسكەن.

ءبىر تاڭقالارلىعى، جۇرگىزۋشى دە، ونىڭ جانىنداعى جولاۋشى دا ءتىرى قالعان. ەكەۋى دە اۋرۋحانادا. بەلگىلىسى، ەكەۋى دە پوليتسيا قىزمەتكەرلەرى. ازىرگە ناقتىلانباعان اقپاراتقا قاراعاندا، ولار ماس بولعان.