ەركىندىكتە ەسىرگەن زورلىقشىلارعا توسقاۋىل قوياتىن قاتاڭ جازا تالاپ ەتىلدى
ونىڭ 605 ى كامەلەتكە تولماعان بالالاردىڭ ءجابىر كورۋىنە قاتىستى. وسىنداي جاعا ۇستاتارلىق مالىمەتتەر بۇگىن باس پروكۋرور اسحات داۋىلبايەۆتىڭ توراعالىعىمەن وتكەن ۇيلەستىرۋ كەڭەسىندە ايتىلدى.
ەڭ سوراقىسى زورلىق جاساعانداردىڭ اراسىندا جازاسىن وتەپ شىعىپ، ايۋاندىق ارەكەتىن تاعى دا قايتالاعاندار بار. تەك ۇستىمىزدەگى جىلدىڭ وزىندە كامەلەتكە تولماعاندارعا جىنىستىق قىسىم كورسەتۋدىڭ 16 دەرەگى تىركەلىپ ۇلگەرگەن.
الايدا تولىققاندى تەرگەۋدىڭ جوقتىعىنان پەدوفيلدەر ەمىن-ەركىن تايراڭداپ ءجۇر. جيىن بارىسىندا باس پروكۋرور اتالعان قىلمىسقا قاتىستى جازانى جەڭىلدەتۋگە تىيىم سالۋدى ۇسىندى. ال ونىڭ ورىنباسارى نۇرماحانبەت يسايەۆ ەركىندىكتە ەسىرگەن زورلىقشىلارعا توسقاۋىل قوياتىن قاتاڭ جازا كەسۋدى سۇرادى.
نۇرماحانبەت يسايەۆ، ق ر باس پروكۋرورىنىڭ ورىنباسارى:
- قىلمىستىڭ الدىن الۋ ماقساتىندا ەرىكتى نەمەسە ءماجبۇرلى تۇردە، حيميالىق نەمەسە فيزيكالىق كاستراتسيا جاسالۋى مۇمكىن. كوپتەگەن ەلدە، ونىڭ ىشىندە، رەسەيدە بۇل شارا جاسوسپىرىمدەردى قورعاۋ جانە ءجيى قايتالاناتىن قىلمىستار سانىن ازايتۋ ءۇشىن قولدانىلىپ ءجۇر. ۇيلەستىرۋ كەڭەسى مۇشەلەرىنەن ىشكى ىستەر باسشىلىعى، ق ر دەنساۋلىق ساقتاۋ جانە الەۋمەتتىك دامۋ مينيسترلىگى، سونىمەن قاتار، باسقا دا قۇزىرلى ورىندارعا وسى ماسەلەنى تالقىلاۋ جونىندە ۇسىنىس جاساۋىن سۇرايمىن.
www.24.kz
