استاناداعى سيەزد ەكسترەميزمدى دىننەن اجىراتۋعا سەپتىگىن تيگىزەدى - ە ق ى ۇ باس حاتشىسى
بۇل تۋرالى بۇگىن الەمدىك جانە ءداستۇرلى دىندەر ليدەرلەرىنىڭ سيەزىندە ە ق ى ۇ باس حاتشىسى لامبەرتو زانەر ءمالىم ەتتى.
«ەڭ جوعارى دەڭگەيدە ءوتىپ جاتقان وسى فورۋمنىڭ يەلەرى قازاقستان ەلىن جانە ونىڭ پرەزيدەنتى نۇرسۇلتان نازاربايەۆقا ۇلكەن العىسىمىزدى ايتامىز. سەبەبى بۇل بارشا الەمنەن كەلگەن بارلىق كونفەسسيالار وكىلدەرىنىڭ ەڭ ماڭىزدى كەزدەسۋى بولىپ تابىلادى. قازاقستاننىڭ ۇلتارالىق، مادەنيەتارالىق جانە ءدىنارالىق قارىم-قاتىناستارداعى بەرىك ۇستانىمى بارلىق الەمگە بەلگىلى، - دەگەن ل. زانەر، - ءدىن ەكسترەميزمنىڭ سەبەبى بولا المايدى»، - دەپ مالىمدەدى.
«كەرىسىنشە، ول - بەيبىتشىلىكتىڭ ۇيىتقىسى. دەگەنمەن وسى اسپەكتىنى ءاردايىم قايتالاپ وتىرۋ قاجەت. سەبەبى ءدىن زورلىق- زومبىلىققا قارسى. زورلىقتى ناسيحايتتايتىن ەكسترەميستەر ءدىندى جامىلىپ وتىرعانى انىق جانە ءدىني ارازدىقتى ۋشىقتىرۋعا تالپىنىپ جاتىر. بۇل ولارعا وزدەرىنىڭ مۇددەلەرىنە قول جەتكىزۋ ءۇشىن قاجەت. وسىنداي اشىق سۇحباتتار ەكسترەميزمدى دىننەن اجىراتۋعا سەپتىگىن تيگىزەدى»، - دەدى ول.
ە ق ى ۇ باسشىسى اتاپ كورسەتكەنىندەي، ەكسترەميستەر ءدىني تاقىرىپتاعى ءىلىمدى ءوز ىڭعايىنا وزگەرتىپ، ەلدەر اراسىندا ارازدىقتى جانداندىرۋدا.
«ونى بولدىرماۋ ءۇشىن ءدىني ءبىلىمدى كەڭەيتۋ قاجەت. سوندىقتان ءدىن كوشباسشىلارى ازاماتتىق جانە مەملەكەتتىك ورگاندارمەن بىرگە وسى سالادا جەمىستى جۇمىستى جاساي الادى. قازىرگى ۋاقىتتا ەكسترەميستەر باق- تى، ونىڭ ىشىندە ينتەنەتتى ءوز مۇددەلەرىنە ءساتتى پايدالانۋدا. دەگەنمەن باق ەكسترەميستىك يدەولوگيانىڭ تارالۋىن الدىن الۋعا دا قىزمەت ەتە الادى. ءبىزدىڭ ەكسترەميستەرگە قارسى كۇرەسىمىز ب ا ق-پەن بەلسەندى جۇمىس جاساۋىمىزدى دا بىلدىرەدى»، - دەپ ءتۇيدى ءسوزىن ل. زانەر.
اۆتور: جاسۇلان جولدىبايەۆ
