16:09, 11 - ماۋسىم 2015 | GMT +5
جەمقورلىققا قارسى ۆەدومستۆو قاجىمۇرات ۇسەنوۆتىڭ ۇستالعانىن راستادى
استانا. قازاقپارات - مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنەن ەكسپو-2017 قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆتىڭ ۇستالعانىن راستادى.
«ءيا، ول كەشە ۇستالعان. تەرگەۋ جۇرگىزىلىپ جاتىر. ماسەلە ونىڭ ەكسپو-2017 قىزمەتى اياسىنداعى بيۋدجەتتىك قاراجاتتار تۋرالى بولىپ وتىر»، - دەپ حابارلادى جەمقورلىققا قارسى ۆەدومستۆو باسشىسىنىڭ ورىنباسارى اليك شپەكبايەۆ.
بۇعان دەيىن ب ا ق-تا ق. ۇسەنوۆتىڭ قۇرىلىس كومپانيالاردىڭ ءبىرىنىڭ مۇددەسىن لوببيلەگەنى(زاڭسىز كومەكتەسكەن) تۋرالى اقپارات بولعان.
اتاپ وتەيىك، ەكسپو-2017 قۇرىلىس دەپارتامەنتىنىڭ بۇرىنعى باسشىسىنىڭ ەسىمى بالاسى ماقسات ۇسەنوۆتىڭ قاتىسۋىمەن كوپشىلىك اراسىندا شۋ شىعارعان ءىرى جول- كولىك وقيعاسىنان كەيىن ەرەكشە تانىمال بولدى.
