قازاقستانداعى ەڭ «ءتيىمدى» نەكەلەر قانداي؟ - فوتو
دانيار كەسىكبايەۆ - نۋريانە نادجۆە
قازاقستاندىق دانيار كەسىكبايەۆ پەن مالايزيالىق نۋريانە نادجۆەنىڭ نەكەسى كوپشىلىك نازارىنا ىلىكتى. نيۋ يوركتەگى كولۋمبيالىق ۋنيۆەرسيتەتتىڭ تۇلەگى دانيار مالايزيا پرەمەر-ءمينيسترىنىڭ قىزىنا ۇيلەندى. دانياردىڭ اناسى مايرا كەسىكبايەۆا - پرەزيدەنتتىڭ باۋىرى بولات نازاربايەۆتىڭ بۇرىنعى ايەلى.
مايرا كەسىكبايەۆا بولات نازاربايەۆپەن 2010-جىلى ايىرىلىسىپ كەتكەن. نادجيب رازاكتىڭ قىزى نۋريانە نادجۆە - دجوردجتاۋندىق ۋنيۆەرسيتەتتىڭ تۇلەگى. جاستار ءبىر-ءبىرىن ا ق ش- تاعى وقۋ كەزىندە جولىقتىرعان. پرەمەر-مينيستر جاستاردىڭ نەكەلەسۋ ءراسىمىن ءوزى ۇيىمداستىرىپ، دۇركىرەگەن ەكى توي وتكىزدى.
بەيبىت الىبەكوۆ - داننا قاراعۇسوۆا
قازاقستاندىق تەلەراديو قاۋىمداستىعىنىڭ باسشىسى، Bentley Kazakhstan كلۋبىنىڭ نەگىزىن قالاۋشى، First Media Group مەدياحولدينگىنىڭ باسشىسى بەيبىت الىبەكوۆ داننا سياقتى سۇلۋدى كەزىكتىرگەنىنە سەنە المايتىنىن ب ا ق- قا ءجيى ايتىپ وتىرادى. بەيبىت بۇرىنعى ەڭبەك جانە حالىقتى الەۋمەتتىك قورعاۋ ءمينيسترى گۇلجان قاراعۇسوۆانىڭ قىزى داننا قاراعۇسوۆانى تالاي ءىس-شارالاردا جولىقتىرعان.
باسىندا راديودا قىزمەتىن باستاعان بەيبىت پەن داننانىڭ مەنشىگىندە مەدياحولدينگ بار. وعان 1 ارنا، 4 راديوستانسيا، 4 مەرزىمدى باسىلىم، ۆ ە ب- سايت پەن 2 اگەنتتىك كىرەدى. داننا ۇزاق ۋاقىت لوندوندا جۇمىس ىستەدى. ال جولداسىن جولىقتىرعاننان كەيىن جانۇيالىق بيزنەسكە كوشتى. جۇپتىڭ ەكى ۇلى مەن 2 جاسار قىزى بار.
راحات تۇرلىحانوۆ - ءجاميلا ءابىلوۆا
2000-جىلداردىڭ باسىندا راحات تۇرلىحانوۆ ءانشى رەتىندە تانىمال بولاتىن. ونىڭ اكەسى - سەمەيدىڭ بۇرىنعى اكىمى، قاۋىپسىزدىك كەڭەسى حاتشىسىنىڭ كەڭەسشىسى، كولىك جانە كوممۋنيكاتسيا ءمينيسترىنىڭ كەڭەسشىسى، اۋىر اتلەتيكا فەدەراتسياسىنىڭ بۇرىنعى پرەزيدەنتى.
شىعارماشىلىق مانسابىن توقتاتقان راحات ساياساتقا ارالاسىپ، ۇلى بريتانياداعى قازاقستان ەلشىسىنىڭ ءۇشىنشى حاتشىسى جانە ۇلتتىق ەكونوميكالىق پالاتادا جاستاردىڭ كاسىپكەرلىك دەپارتامەنتى ديرەكتورى قىزمەتتەرىن اتقاردى.
ونىڭ ايەلى ءجاميلا ءابىلوۆا - تانىمال ساياساتكەر، مەتسەنات ءارى بيزنەسمەن بولات ءابىلوۆتىڭ قىزى. ءجاميلا Boulevard جۋرنالىن شىعارۋمەن اينالىسادى. ال وتكەن جىلى Mercedes-Benz Fashion Week Almaty كەشىنىڭ نەگىزىن قالاۋشىلاردىڭ ءبىرى اتاندى. قازىردە ءجاميلا - الماتىداعى Saks ۋنيۆەرماگ VIP- كلۋبىنىڭ ديرەكتورى. راحات پەن ءجاميلا ۇزاق جىلدار لوندوندا وقىپ كەلدى. ال قازىر ەكەۋى الماتىدا تۇرادى. ەكى ۇل مەن ءبىر قىزى بار.
ايسۇلتان نازاربايەۆ - ءاليما بورانبايەۆا
داريعا نازاربايەۆانىڭ 25 جاستاعى ۇلى ايسۇلتان نازاربايەۆ «ساندحەرست» كورولدىك اسكەري اكادەميانى ءبىتىرىپ، بۇگىندە «قازاقمىس» كورپوراتسياسىندا جۇمىس ىستەيدى.
ونىڭ ايەلى - لوندونداعى كورتولد ونەر ۋنيۆەرسيتەتىنىڭ تۇلەگى ءاليما بورانبايەۆا. ءاليما - «قايرات» فۋتبول كلۋبىن باقىلاۋ كەڭەسىنىڭ ءتوراعاسى قايرات بورانبايەۆتىڭ قىزى. جاستار لوندونداعى وقۋ كەزىندە تانىسقان.
قايىن اتا مەن كۇيەۋ بالانى فۋتبولعا دەگەن ورتاق قىزىعۋشىلىق بايلانىستىرادى. ايسۇلتان اعىلشىندىق «پورتسمۋت» پەن «چەلسي» فۋتبول كلۋبتارىندا ويناپ، «استانا» كلۋبىنىڭ قۇرامىندا بولعان.
توي 2013-جىلدىڭ 31- تامىزىندا الماتىداعى Royal Tulip مەيمانحاناسىندا ءوتتى. تويدى ايسۇلتاننىڭ اتاسى - نۇرسۇلتان نازاربايەۆ اشتى. قوناقتار اراسىندا تانىمال ساياسي تۇلعالار مەن قازاقستاندىق، رەسەيلىك جۇلدىزدار بولدى.
عالىمجان ەسەنوۆ - ايجان ەسىموۆا
بيزنەسمەن ءارى «ا ت ف بانكىنىڭ» يەگەرى عالىمجان ەسەنوۆ الماتى اكىمى احمەتجان ەسىموۆتىڭ قىزىنا ۇيلەندى. 2000-جىلدىڭ باسىندا «سەيمار» ينۆسەتيتسيالىق توبىن باسقارىپ، 2013-جىلدا «ا ت ف بانكى» ديرەكتورلار كەڭەسىنە ءتوراعالىق ەتتى.
ايجان - قازاقستاندىق قالتالىلاردىڭ كەشتەرىنە ءجيى قاتىسىپ وتىرادى. ەكەۋىنىڭ جەكە ءومىرى تولىق قۇپيادا ساقتالۋدا. تەك ورتاق ۇل تاربيلەپ وتىرعاندارى عانا بەلىگىلى.
ايدان كارىبجانوۆ - ماقپال كارىبجانوۆا
تانىمال قازاقستاندىق قارجىگەر ءارى ەكونوميست ايدان كارىبجانوۆ ەلىمىزدىڭ توپ 50 بيزنەسمەندەرى قاتارىنا كىرەدى. ول Visor Holding سەرىكتەستىگى ديرەكتورلار كەڭەسىنىڭ ءتوراعاسى، قازاقستان- فرانسيا ىسكەري كەڭەسىن قازاقستاندىق تاراپتان ءتوراعالىق ەتەدى.
بيزنەسمەننىڭ ايەلى ماقپال كارىبجانوۆا - بۇرىنعى مودەل ءارى بالەرينا. قازىردە ماقپال - دەنساۋلىققا پايدالى تاعامدار تۋرالى باعدارلامالاردىڭ اۆتورى. جۇپتىڭ ورتاق ءۇش بالاسى بار: قىزدارى - ياسمين مەن يمان- ايمەك جانە ۇلى جان. ماقپال ايەلدىڭ باستى مىندەتى سۇيىكتىسىن ماحابباتقا بولەيتىن باقىتتى، سۇلۋ جار بولۋ دەپ سانايدى.
«ايەلدىڭ قاسىندا جىلى ءارى جايلى بولۋ كەرەك. بۇنى ءوز جۇمىستارىڭ دەپ ساناي بەرىڭدەر. ونسىز ەر كىسى مەن ايەلدىڭ قارىم-قاتىناسى ساقتالمايدى. ايەلدىڭ ەموتسيونالدى جاي-كۇيى قاشاندا جارقىراپ، تارتىپ تۇرۋى كەرەك»، - دەيدى ماقپال.
ماركو اۋدجەللو - كارينا سارسەنوۆا
قازاقستاندىق جازۋشى كارينا سارسەنوۆا - پوەزيالىق جانە پروزالىق شىعارمالاردىڭ اۆتورى. كارينا - «ماڭعىستاۋ مۇناي گاز» قوعامى ديرەكتورلار كەڭەسىنىڭ ءتوراعاسى، قازاقستاندىق كاسىپكەر راشيد سارسەنوۆتىڭ قىزى.
ونىڭ كۇيەۋى ماركو اۋدجەللو KS-production پروديۋسەرلىك ورتالىعىنىڭ باسشىسى. ماركو قازاقستانعا يتاليادان كەلىپ، قازىردە يتالياندىق مادەني ورتالىقتى باسقارادى. ماركو كارينانىڭ شىعارماشىلىعىن بايقاپ، ورتاق جوبا باستاۋ ۇسىنىسىنان كەيىن ونىمەن جىلى قارىم-قاتىناستار ورناعانىن ايتتى.
راديي مۇحامەدجانوۆ - اسەل ساعاتوۆا
اكتريسا اسەل ساعاتوۆانى كوپشىلىگى تەلەجوبالار ارقىلى تانيدى. الايدا ونىڭ كۇيەۋى رادي مۇحامەدجانوۆ تۋرالى كوبى بىلە بەرمەيدى.
ول - بۇرىنعى ەكولوگيا ءمينيسترى قامالتين مۇحامەدجانوۆتىڭ ورتانشى ۇلى. قازىردە رادي بيزنەسپەن شۇعىلدانادى. وعان دەيىن ۇلتتىق قاۋىپسىزدىك كوميتەتىندە قىزمەت ەتكەن. ەكەۋىنىڭ وتاۋ قۇرعانىنا 4 جىل بولدى. ورتاق الديار ەسىمدى ۇلدارى بار. اسەل ساعاتوۆا كۇيەۋى تۋرالى سيرەك ايتادى.
«مەنىڭ ءومىرىم تۇرمىسقا شىققاننان كەيىن ايتارلىقتاي وزگەرە قويمادى. كۇيەۋىم ماعان، جۇمىسىما تۇسىنىستىكپەن قارايدى. بىزدەر ارتىستىككە بايلانىستى ەلىمىزدە قالىپتاسقان مەنتاليتەتكە قاراماستان تاتۋ-ءتاتتىمىز. مەنىڭ كۇيەۋىم مەنى قاشاندا قولداپ، ماقتان تۇتادى»، - دەيدى اسەل.
رايىمەك باتالوۆ - لەنارا باتالوۆا
تانىمال كاسىپكەر رايىمبەك باتالوۆ قازاقستاندىق 50 توپ كاسىپكەرلەر تىزىمىنە ەنگەن. ول Raimbek Group حولدينگىن يەلىك ەتەدى. بيزنەسمەننىڭ ايەلى - «راحات-لۋكۋم» توبىنىڭ ەكس ءانشىسى. جۇپتىڭ ۇش بالاسى بار.
ياكوۆ بۋكريس - اللا ماشكيەۆيچ
اللا ماشكيەۆيچ - تانىمال بيزنەسمەن ءارى مەتسەنات، ەۋروازياتتىق يەۆرەي كونگرەسىنىڭ ەكس- پرەزيدەنتى الەكساندر ماشكيەۆيچتىڭ قىزى. كۇيەۋى ياكوۆ بۋكريس - تۋنيستىك يەۆرەي وتباسىنان شىققان رەسەيدەگى حاسيدتەردىڭ قولداۋشىسى.
الەكساندر يزرايلدە تۇرعانىمەن، قازاقستاندىق ەڭ باي ادامداردىڭ ءبىرى رەتىندە Forbes رەيتىنگىسىنە ءجيى ىلىگەدى.
ءىلياس حراپۋنوۆ - مادينا ءابليازوۆا
الماتى قالاسىنىڭ ەكس- اكىمى ۆيكتور حراپۋنوۆ وپپوزيتسيالىق ساياساتكەر ءارى بيزنەسمەن مۇحتار ءابليازوۆتىڭ قۇداسى. ونىڭ ۇلى ءىلياس ءابليازوۆتىڭ قىزى ماديناعا ۇيلەنگەن. الماتىدا 2007-جىلى توي جاساعان جۇپ نەكەلەرىن مۇسىلمان داستۇرىنە ساي قيدىرعان. ەكەۋىنىڭ ورتاق ەكى بالاسى بار. جۇپ جەنيەۆادا تۇرادى.
Nur.kz
