استاناداعى كۇندە قىمىز ىشەتىن ەلشى

استانا. قازاقپارات -ەلشى فرانسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن پاۆلودار وبلىسىنا جۇمىس ساپارى بارىسىندا كۇندە قىمىز ىشەتىنىن ايتتى.

 بۇل تۋرالى pavlodarnews.kz حابارلايدى.

مەيمان پاۆلودارداعى «فۋدماستەر» كومپانياسىنىڭ جۇمىسىمەن تانىسىپ، ماماندارمەن كەزەدەستى. «فۋدماستەر» كومپانياسى فرانسۋزدىق ستانتارتتاعى ونىمدەردى دايىندايتىنىن اتاپ ءوتتى. ولاي بولسا، بۇل زاۋىت ونىمدەرىن فرانسيادا ەش قيىندىقسىز ساتا الادى. سونىمەن قاتار ناۋرىز ايىندا استانا مەن پاريج قالالارى اراسىندا تىعىز قارىم- قاتىناس جايىندا ماسەلە كوتەرىلىپ، ۆيزانى الۋ ماسەلەسى جەڭىلدەتىلگەن بولاتىن. ءبىزدى تابىستى ءارى ءساتتى جىل كۇتىپ تۇر دەپ ويلايمىن»، - دەدى فرانسيس ەتەن.

سونداي- اق فرانسيانىڭ قازاقستانداعى ەلشىسى قازاقتىڭ ۇلتتىق سۋسىنى جايىندا دا پىكىرىن ءبىلدىردى. «فرانسيادا قىمىز ساتاتىن جەردى كورسەم، بارلىق دوستارىما بۇل جايىندا مىندەتتى تۇردە ايتا جۇرەتىن ەدىم. سەبەبى قىمىز - فرانسۋزدىقتار ءۇشىن جاڭا دۇنيە. ونىڭ پايداسى مول ەكەنى بەلگىلى. ءوزىم قىمىزدى كۇن سايىن ىشەمىن»، - دەپ اتاپ ءوتتى ەتەن.

Nur.kz