توپىراق دەمى. باۋىرجان قاراعىز ۇلىنىڭ ولەڭدەرى

 استانا. قازاقپارات - جاقىندا اقىن باۋىرجان قاراعىز ۇلىنىڭ «توپىراق دەمى» اتتى تاڭدامالى ولەڭدەر جيناعى قىرعىز تىلىندە جارىق كوردى. وسىعان وراي اقىننىڭ ءبىر توپ جىرلارىن نازارلارىڭىزعا ۇسىنامىز.
None
None

***

توپىراق،
 مەن جاساندى مۇڭنان قورقامىن.. .
 تۇننەن قورقامىن دۇعاسىز.
 سوقىر سوزدەردەن.. .
 قابىرگە اينالعان قاراڭعى- ى- ى كوزدەردەن،
 كىنالى كىرپىكتى جۋعان كۇناسىز جاستان.. .
 تاۋبەسىز باستان قورقامىن،
 توپىراق!
 
 اللانىڭ «ويى» جاۋىپ تۇر اسپاننان،
 مەيىرىم جاۋىپ ءموپ- ءمولدىر.
 ءيا، راس،
 ءبىز - جەتىمبىز جەرگە تاستالعان،
 ماستانعان جوققا،
 نە
 راحىم نۇرىنا ماس بولعان،
 ۇمىتشاق نۇكتەمىز - اداسقاق.. .
 
 توپىراق،
 مەن، وزىمنەن قورقامىن.. .
 توزىمنەن قورقامىن كەكتەنگەن.
 كوپىرىك داۋىسقا كومىلگەن،
 وتىرىك سەزىمنەن،
 قورقامىن توپىرا- ا- اق.. .
 
 قاراشى،
 جاڭبىر كەتىپ بارادى.. .
 قايدا كەتىپ بارادى؟
 تاعدىر كەتىپ بارادى.. .

قايدا كەتىپ بارادى؟
 انە،
 تامشى ءمولت ەتە ءتۇستى.. .
 شولپ ەتە ءتۇستى ءبىر ءومىر.

توپىراق.. .

 جوعالعان ءسوز
 
 قايران تاعدىر سۋرەت سالىپ كۇرسىنگەن،
 رۋحىمنىڭ حالىن كىمنەن سۇرايمىن؟ !
 وي اعادى ەكى دۇنيە دەمىندە،
 انتىمەنەن قۇدايدىڭ.


 ءسىز دە، مەن دە جانارىنان جالعاننىڭ،
 تۇنگە ۇشىپ بارامىز.. .
 باياعىدا ءبارىن كورىپ العانمىن،
 قاراڭىز.. .


 قاراڭىزشى، جۇرەگىمنىڭ كوزىنە،
 جۇرەگىمنىڭ كوزى - مەنىڭ ولەڭىم.
 قاراڭىزشى كوزدەن اققان سوزىمە،
 ءسوزدىڭ جاسىن جالعىز كەشىپ كەلەمىن.


 ءومىر دەگەن ءتۇس تە ەمەس، ءوڭ دە ەمەس،
 سەنبەسەڭىز قويىڭىز.
 ءولىم دەگەن شىندىعىندا ول دا - ەلەس،
 ءولىم دەگەن - ويىمىز.


 ءومىر دەگەن وتكەنىڭدى قايتالاۋ،
 «ءسۇيىنۋ مەن كۇيىنۋ.. .»
 سىزگە ءبارىن ءتۇسىندىرىپ بەرە مە؟ !
 تىيىلۋ مەن سىيىنۋ؟ !

 جەتى نۇكتە

 A. نۇكتەسى.

 - "بارمىن.. ." دەپ ويىمدى ويعا سەندىرەمىن.. .
 - .. ءدۇنيا- اي، نەگە سونشا مولدىرەدىڭ؟ !
 - جاساۋراپ قوس جانارىم جانىم ۇلىپ،
 بەيۋاقىت كۇنباتىسقا تەلمىرەمىن.. .
 - "كۇنباتىسقا كۇدىكسىز قاراساڭىز.. ."
 - باتىستان كۇن شىققانشا اداسامىز.. .
 - ۋاقىت باياۋلايدى، جىن اسىعىپ،
 جاراسساق جۇرەكپەنەن جاراسامىز.
 - وزىمنەن- ءوزىم قورقام سەنەسىز بە؟ !
 - تاعدىردىڭ سالعانىنا كونەسىز دە.. .
 - ول ءبىزدى مويىندايدى، (كەسىردى ايتام)
 وشىكتى نەگە ماعان، نەگە سىزگە؟ !
 - راسىندا ول دا كوركەم، مەن دە كوركەم،
 قۇدايعا سەن بە بوتەن، مەن بە بوتەن؟ !
 - جال- قۇيرىقسىز جالعاننان، وقتاي زۋلاپ،
 جارق ەتىپ، ءسىز سياقتى مەن دە كەتەم.
 X. نۇكتەسىنە.. .

 B. نۇكتەسى.

 - جەر اۋىرلاپ بارادى.. .
 - اۋىرلاسىن.
 - وي دا اۋىر.. .
 - يمانىڭ اۋىرماسىن.
 جۇرەگىن اۋىرتپاشى ادامداردىڭ،
 ءار ادام - تاعدىرلاسىڭ، باۋىرلاسىڭ.
 - مەن تالاي ايعاي سالدىم "سۇيەمىن" دەپ،
 .. .الدايدى.. , سودان كەيىن كۇيەمىن كەپ.. .
 - ايعاي مەن اقىل قاتار جۇرە مە ەكەن؟
 - بىلمەدىم.. . سابىرىمدى تىرەك ەتەم.. .
 - سەنى سوزبەن سيپاعان الدامشىلار،
 ءوزىنىڭ الدانعانىن بىلە مە ەكەن؟ !
 - بىزدەگى ۋاقىتتىڭ ولشەمىندە،
 ءزىل باسىپ كوتەرتپەيدى ەڭسەم مۇلدە.. .
 - وي تازا دا - جان تازا، ءولىم سۇلۋ،
 شەر تولقىر كوڭىلىڭنىڭ كەمسەڭىندە!
 - جەر اۋىرلاپ بارادى، ۇرىسپاعىن.. .
 - ايتتىم عوي، بارلىق ادام - تۋىستارىڭ.
 - نەنى ىزدەيمىن بىلمەيمىن نەنى اڭسايمىن؟ ؟ ؟
 - كوزدەرىڭنەن سۇيەيىن، دۇرىس ءبارى.. . 
  س. نۇكتەسى.

 - مىنا جولدى.. .
 - ەرىكتەن تىس تاعدىرمەنەن جازعاسىن،
 نەنى ويلاسىن تاۋەكەلشىل ءاز باسىڭ.
 - ۋاقىت پەن كەڭىستىككە تاۋەلدى
 وي دەگەن نە؟ ! 
 - مەنىڭ قوڭىر كۇرسىنىسىم - كوز جاسىم.
 - اق دۇعادان جارالدىم،
 بالكىم، ماڭگى دۇعا بولىپ قالارمىن.. .
 - قۇپياسى، كىلتى مىنا عالامنىڭ،
 كۇلكىسىندە، جۇرەگىندە اناڭنىڭ.. .
 - كۇلكى؟ ؟ ؟
 - جانە كوز جاسى عوي.. .
 - كىم ءۇشىن؟
 - انا دەگەن - جۇرەك ءۇشىن.. . نۇر ءۇشىن.
 وقىلادى مەيىرىمەن اناڭنىڭ
 جۇرەك دەگەن - كىتاپ قوي ول دۇرىسى.
 - ەشتەڭەنى تۇسىنبەدىم، قۇرىسىن!
 - و دۇنيە مەن بۇ ءدۇنيانىڭ اراسى -
 سابىرىڭنىڭ توباسى.
 - مىنا جولدى.. .
 - F. نۇكتەسىن قاراشى.. .

 D. نۇكتەسى.

 - قۇداي قالام سىلتەگەندە جارالدىڭ.. .
 - ۋاقىت پەن كەڭىستىكتە جوعالدىم.
 - ۇمىتشاقسىڭ.. .
 - سەن ەسىڭە ءتۇسىرشى.
 - سوزگە اينالعان جۇرەكتەگى جاناردىن،
 ءمولدىرىمىن.. .
 - قايدان كەلدىڭ، قايدا كەتىپ باراسىڭ؟ !
 - تاعدىرىممەن تابا المادىم جاراسىم.
 - رۋحىڭمەن جالعاماقشى بولاسىڭ،
 ەكى دۇنيە اراسىن.
 - عۇمىرىممەن عارىش جاققا ۇمتىلدىم.. .
 - بەكەر ءبارى.. .
 - جان ىشىندە جۇلقىندىم.
 - تاڭداۋ ەركىڭ قاق ماڭدايدان ۇسىگەن،
 قورشاۋىندا قۇمارمەنەن قۇلقىننىڭ.
 - دۇنيەنى وزگەرتپەكشى بولعانمىن،
 - و، ەندەشە تاعى، تاعى الداندىڭ.
 - مەن - عارىشپىن.. .
 - ءيا، وعان داۋىم جوق.. .
 نەگە سونشا جالعىز قالساڭ قورلاندىڭ؟ !
 - اۋەل باستان اڭسار ەدىم - سەبەبى.. .
 - وي ىشىندە ويلار ءسونىپ، ولەدى.
 - پاراقتاشى جۇرەگىڭنىڭ كىتابىن،
 عايىپ ءوزى سالەم الىپ كەلەدى.

 ە. نۇكتەسى.

- كۇبىرلەپ ءوز- وزىنە بۇلداناتىن،
 ادام ەمەس، ەسىمىم - مۇڭ بولاتىن.
 - تەرەزەڭنىڭ الدىندا جىلاپ تۇرعان،
 سەن ەمەسسىڭ، سەزىمتال ءتۇن بولاتىن.. .
 - قالايشا، قالاي ەندى جاي تابامىن،
 جالعىز قالسام ول بولدى ايتار ءانىم..
 - جەك كورەسىڭ ءوزىڭدى، ىشتەي ۇگىپ،
 «سۇيمەيمىن» دەپ نەشە رەت قايتالادىڭ؟ !
 - ءدال بۇلايشا سۇيگەم جوق جان بالاسىن،
 كۇلەسىڭ عوي، بىلەمىن، تاڭداناسىڭ.
 - «دوسىم» دەيسىڭ، سەزدىرمەي ەشتەڭەنى،
 ءوز سوزىڭە وتىرىك الداناسىڭ.. .
 - تاعدىر- اي، كىرپىكتەردە بۇلدىراعان،
 جان الەمى.. . جالعىزدىق تۇنجىراعان.
 - بۇگىن ايدىڭ نەشەسى؟
 - جۇرەك كۇنى،
 مەن ەمەس، تەرەزەدە ءتۇن جىلاعان.. .

 F. نۇكتەسى.

 -   قاسيەتتى رۋحپەن قۋاتتانعان،

ار ىزدەدىم سوزىنەن شۋاق تامعان.

نە تابامىن ءومىردى كۇلدىرگەننەن؟ !

- نە تاباسىڭ ءومىردى جىلاتقاننان؟ !

قويشى، ءومىردى.. . ءدال قازىر جان جىلاعان،

جولىن ىزدەپ كىمدەر بار قاڭعىماعان؟ !

- كۇبىر- سىبىر، كۇڭكىلدەك، ايعاي- شۋدان،

جازعى ءتۇن- اي، جالىققان، قالجىراعان.. .

- تىم بەلسەندى، ءتىل تاپقىش، ۇشىپ- قونعان،

شارشاپ جۇرگەن شىعارسىڭ پىسىقتاردان؟ !

- بالالاردى ايايمىن سۋىق ءسوزدىڭ

جالىنىنا مەسەلى ءۇسىپ قالعان.. .

- جول ىزدەيمىن ءبىر عاجاپ.. .

- نە قىلاسىڭ؟ !

- جالعىزدىقتان ءبىر كۇنى جارىلاسىڭ.. .

- توپىراققا جۇرەگىڭ ورالادى،

جاراتقاننىڭ الدىنان تابىلاسىڭ.. .

ورالاسىڭ.. .

 X. نۇكتەسى

- .. .

- ءومىردىڭ بوساعاسىن اتتاعاندا،
 جاتىرقاپ جىلاپ كىردىم جات عالامعا.
 ولىمگە سەكۋند سايىن جاقىندايمىن،  
 بىلمەيمىن، سور تابام با، باق تابام با؟ !
 
 ماڭگىلىك جارىعىما ۇمتىلامىن.. .

جالىقتىم تىڭداي- تىڭداي قۇلقىن ءانىن.  
 تورىندا قۋتىڭداعان قۋ تىرلىكتىڭ،
 بالىقتاي جانۇشىرىپ بۇلقىنامىن.
 
 رۋحىم اسقاق ەدى، بىلگىر ەدى،
 قۇتقارسا سول قۇتقارار، كىم بىلەدى؟
 ىشىمدە قۇدايدى اڭساپ جان جىلايدى
 سىرتىمدا سايتانعا ەرىپ جىن كۇلەدى.
 
 عاجابىن عاقىلىمنىڭ ۇعىنعانشا،
 ياپىر- اي، قالدى ەكەن عۇمىر قانشا؟ !
 شىركىن- اي، جۇرەگىمنىڭ قۇپياسىن،
 سەزەم بە قوس جانارىم جۇمىلعانشا؟ !
 
 عايىپقا جەتەلەسە وي تورابى،
 كوكەيىم جالعىز ءسوزدى قايتالادى.
 تاعدىرىم تۇنگى اسپانعا تەلمىرگەندە،
 نەلىكتەن قايران كوڭىل جاي تابادى؟ !
 
 ءولىمنىڭ بوساعاسىن اتتاعاندا،
 بىلمەيمىن، سور تابام با، باق تابام با؟ !
 بىلەرىم، بوز جۋسانداي كوكتەپ شىعام،
 بىزدەگى جاسىل ۋاقىت توقتاعاندا.. .

***
  ءومىر - ءومىر.. . ءبارى كوركەم.. . ادەمى.. .
 جۇزەگە اسقان ويلارىڭنىڭ الەگى.. .
 شارتاراپتان ءسوزدىڭ ءيسى بۇرقىراپ،
 قۇبىلادان ەسىپ قۇداي سالەمى.. .
 جازمىش جولدىڭ ەلەسىنە ەرەدى،
 و، قايران باس، بارلىعىنا كونەدى.
 كەيدە بار عوي، قىزىق ءوزى سەنسەڭىز،
 «جاقسىلىعىنا» شايتاننىڭ،
 ءبىرتۇرلى.. .
 جىلاپ العىڭ كەلەدى.. .
 ول دا كوركەم، تۇسىنگەنگە، بىلگەنگە،
 ءومىر دەگەن توتىقۇستاي تۇرلەنگەن،
 جاماندىعى جاقسىلىق بوپ سوڭىندا،
 كۇرسىنىسىڭدە گۇلدەنگەن.. . 
  ءومىر - ءومىر.. . ءبارى كوركەم.. . ادەمى.. .

 ***

 ءومىرىمنىڭ ءمول- ءمولت ەتىپ جانارى،
 ۋاقىتپەن بىرگە اعىپ بارادى.
 بىلسەن عوي سەن.. , كوڭىلىمنىڭ كوز جاسى،
 تىرس- تىرس ەتىپ ءتۇن توسىنە تامادى.
 ءومىر ءارى - ساۋاپ جانە وبالدان،
 نۇرلى ءۇمىت، ساعىنىشقا ورالعان.
 ال مەندەگى ماحابباتىڭ جۇرەگى،
 سەنىڭ ىڭكار داۋىسىڭنان جارالعان.
 مۇڭىن ايتىپ مەزگىلدەردىڭ كوشىنە،
 ەستەلىكتەر ورالادى ەسىمە.
 ساعان جاۋاپ بەرمەسىمدى بىلسەڭ دە،
 حابارلاستىڭ نەسىنە؟ ؟ !
 ...تۇڭگى قالا. سول ساياباق كونەرگەن،
 ول دا وزىنشە تىنىشتىققا بولەنگەن.  
 سەنىڭ مۇندا كەلمەسىڭدى بىلسەم دە،
 نەگە كۇندە كەلەم مەن؟ ؟ !

***

 .. .مەنىڭ نازىك جانىم ءۇشىن ەرەكسىز.. , 
 بولەكسىز.. ,
 جاننىڭ مۇڭىن اسپان عانا ۇعادى.. .
 جۇرەكتەردى جولىقتىرعان سەبەپسىز،
 جولدار شىعار كىنالى.
 دارىگەر - ۋاقىت، ءسىزدى، ءتۇندى ەمدەيدى،
 ۇمىتىڭىز بارلىعىن.
 جۇرەك جايلى ءسوز قوزعاعىم كەلمەيدى،
 ءدال بۇگىن.
 تۇڭىلمەڭىز، تۇسىنىكتى جايىمىز،
 وعان كۋا، مىناۋ قاڭتار جوتەلگەن.
 كوڭىلىمدى اۋلاماي- اق قويىڭىز،
 جالعىز ءسىز بە، جاننىڭ مۇڭىن كوتەرگەن؟ !
 مەن ءوزىمدى وتىرىككە سەندىردىم،
 ءبىلىڭىز.
 كوزىڭىزدەن دومالاسا ءمولدىر مۇڭ،
 قيماستىق دەپ ۇعىڭىز.. .
***

 ءوز- ءوزىمدى تانىمايدى ەكەنمىن،
 ءوز- وزىمە بوتەنمىن.. .
 تۇككە تۇرماس دۇنيەنى ءسوز قىلىپ،
 ساعان تاعى داۋىسىمدى كوتەردىم.. .
 ساعان دەگەن ماحابباتتىڭ كولەمى،
 ەش ولشەممەن ولشەنبەيدى سەبەبى.
 اعىل- تەگىل جىلاپ الام ىشىمنەن،
 ساعان، ساعان ءبارىن ايتقىم كەلەدى.. .
 سەن.. .
 سەن - ادەمى الەمسىڭ عوي، اقىلدىم،
 مەن.. .
 مەنى قويشى، مەن - اقىماق اقىنمىن.
 ەندى، مىنە، جۇرەگىڭدى اۋىرتىپ،
 ءتۇن ىشىندە مۇڭعا ورانىپ وتىرمىن.. .
***

.. .ۇستەلدە سۋرەت جاتىر كۇلىمدەگەن،
 كۇلىمدەگەن ەشقايدا ىلىنبەگەن.. .
 ءبىر ءسوز بار ساعىناتىن جۇرەگىڭىز،
 ءبىر مۇڭ بار جانىڭىزدى تىلىمدەگەن.
 ساعىنىپ بۇرىڭعىداي كەلمەگەنى،
 بالكىم، ول.. , وزىنە- ءوزى سەنبەگەنى؟
 ءسىز نەگە ءتۇن ىشىندە جىلادىڭىز؟ !
 گۇل نەگە ءولىپ قالدى بولمەدەگى؟ !
 ءسىز نەگە جىلادىڭىز ءتۇن ىشىندە؟
 ىمم.. , مۇمكىن ءولىپ قالعان گۇل ءۇشىن بە؟ !
 ساعىنىپ كۇتۋ كەرەك ماحابباتتى،
 گۇلدى دە كۇتۋ كەرەك تىرىسىندە.. .

 گۇل مۇڭى

 مەنىڭ جانىم جالعىزدىقپەن تىلدەسىپ،
 ءتۇن ىشىندە كۇتەدى ونى تالىعىپ.. .
 .. .مەن بىرەۋدى ساعىنامىن مۇڭ كەشىپ،
 ساعىنامىن كوزىمدە جاس قامىعىپ.. .
 گۇلدىڭ تالاي مۇڭايعانىن كورگەنمىن،
 ول دا مەندەي اداسقاق قوي قايعىلى.
 ونى دا سول دۇعاسىمەن ەمدەر ءتۇن.
 قۇبىلادان ەستىلگەندە اي ءۇنى.
 گۇلدىڭ كەشە كۇرسىنگەنىن ەستىدىم،
 سونداي نازىك، سونداي جالعىز جۇپارىم!
 جۇباتا الماي جىلاپ قايتتىم، كەشقۇرىم،
 تۇنگە توڭىپ، مۇڭعا توڭىپ قۇشاعىم.
 ءتۇن ىشىندە جان ۋىلدەپ شىنايى،
 ءتۇن ىشىندە مەن دە باسقا كۇيگە ەنەم،
 ءتۇن ىشىندە و، عاشىعىم - ءتاڭىرىم،
 ءتۇن ىشىندە گۇلدى سىزدەي سۇيگەن ەم.. .
 تەرەزەمدە اق تامشىلار بيلەيدى،
 مەنىڭ جانىم ءاربىر كۇننەن ءۇمىتتى.
 مۇمكىن، مەنى سۇيە المادى، سۇيمەيدى.
 بالكىم، مەنى ماڭگىلىككە ۇمىتتى..

 ماڭدايىڭدا ءمولدىر تاعدىر.. .
 
 ماڭدايىڭدى ءمولدىر تاعدىر وقىسىن،  
 ءتۇن جۇتادى ءسوزدىڭ تەگىن حاقىسىن.. .
 جۇرەگىمنىڭ نۇرى، كوردىم ءۇنىڭدى،
 مەيىر تۇنعان جاقىن تۇگىل جات ءۇشىن.. .
 تاڭدايىڭنان قانات قاققان سامالعا
 پەرىشتەلەر ورانعان.
 مەن نە دەيمىن، نە ايتامىن بۇل تۇنگە،
 ۇمىتتەرى جوعالعان.. .
 جان سەرتىنە قاۋىشۋ -
 ساعىناسىڭ قارا ولەڭنىڭ داۋىسىن.
 ءومىر دەگەن - ءبىر ءمولت ەتكەن كوز جاسى،
 كۇلگىن جاستان اق عايىپقا اۋىسۋ.. .
 ماڭدايىڭدا ءمولدىر تاعدىر، اقىن- مۇڭ،
 تۇك تە سەزبەي تەرىس قاراپ جاتىر ءتۇن.. .
 قارىنداسىم، نە ايتامىن، نە دەيمىن،
 مەن دە سەندەي جۇرەك تىڭداپ وتىرمىن.

 اۋا بيلەگەن ءتۇن
 
 قۇرالاي ومارعا


  قۇرالايجان،
 جان قالامىن مۇڭعا مالىپ ءتۇن ءىشى،
 قويۋ- قويۋ وي ۇرتتايمىز كىم ءۇشىن؟ !
 ..." ءومىر ءوتىپ بارا جاتىر" دەيدى جۇرت،
 ءبىز ومىردەن وتەمىز عوي - دۇرىسى.
 جاسىل اۋا قوس وكپەدەن تۇنشىعىپ،
 ۋاقىتقا شىققان كەزدە قۇلشىنىپ،
 ءۇنسىز عانا سويلەسەمىز ەكەۋمىز،
 قوڭىر- قوڭىر كۇرسىنىپ.. .
 قۇرالايجان، مەن دە گۇلدەي تاڭ قالام،
 كىسىلەرگە ءبىرىن- ءبىرى الداعان.
 كوزبەن ءىشىپ، سوزبەن ساباپ تاعدىرىن،
 ءوز جۇرەگىن ءوزى بىلمەي قورلاعان،
 "ولەڭشىنىڭ" جانارىندا كۇنىمەن،
 وكىنىشتىڭ جىلايتىنىن ءبىلىپ ەم.. .
 ۇشىقتاپ بەر جۇلدىزداردىڭ يسىمەن،
 ۇشىقتاپ بەر اق تامشىنىڭ ۇنىمەن.. .

ەسكە الۋ
 
 ءبارى، ءبارى، بوس ءسوز ەكەن جاڭا ۇقتىم.  
 "بوستاندىق" دەپ بوس ايقايعا سالىپپىن.
 مارتەبەلى ءومىر مىرزا،  
 مەن ءسىزدىڭ،  
 ۇراندارىڭىزدان جالىقتىم.. .
 قازىر مەنى ءدىلدىڭ مۇڭى ازاپتاپ،
 جەلتوقساندا جەل كۇلەدى مازاقتاپ.
 ۋاقىت وتىر تويىپ العان، توڭ مويىن،
 بىلق ەتپەيدى- ەي، تازا - اپپاق.. .
 سولاي، سولاي، ءومىر مىرزا، قاراعىم،
 مىنا سۇپ- سۇر - قالانىڭ،
 قىزىل مۇزعا قاتىپ قالعان قاباعىن،
 جۇرەگىممەن، جۇرەگىممەن، جۇرەگىممەن.. , 
 جىلىتپاقشى بولامىن،  
 جىلاپ تۇرعان ءتۇننىڭ ءسۇرتىپ جانارىن.. .

 سۇراق

 «كىمدى ويلادىڭ؟ » دەيسىڭ بە؟ ..

نەنى ويلادىم؟
 تۋعان جەردى ويلادىم، قارايلادىم.. .
 قارا كوزى جاۋدىرەپ مەنى ويلاعان،
 قارىنداستار.. .  
 باۋىرلار.. .  
 سونى ويلادىم.. .
 ارعى جاعى- اي التايدىڭ بەرگى جاعى،
 ارعى جاقتا اعايىن.. . قالدى ءبارى.
 ەكى جاققا بولىنگەن جۇرەكتەر- اي،
 بەرگى جاقتا كۇن سايىن جان جىلادى.
 «كىمدى ويلادىڭ؟ » دەيسىڭ بە؟ ..
 كىمدى ويلادىم؟
 مولدىرگەن موماقان مۇڭدى ويلادىم.
 بوز جۋسانداي اڭقىعان بوز بەلەستە،
 دانالىعى داۋالى ءدىلدى ويلادىم.
 ەلەڭدەگەن ەس كورىپ ەلدى ويلادىم،
 جەرى قالدى قازاقتىڭ، جەردى ويلادىم.. .
 قىزىل قىرات، كۇرەڭ تاۋ، قوڭىر ادىر،
 قايداسىڭدار، قۇداي- اۋ، مەن قايدامىن؟ ! 

سوڭعى جاڭالىقتار