10:43, 11 - ماۋسىم 2015 | GMT +5
حالىقارالىق فۋتبول فەدەراتسياسى تەرگەۋشىلەرگە ۇيىم پرەزيدەنتىنىڭ كومپيۋتەرىن بەردى
استانا. قازاقپارات - حالىقارالىق فۋتبول فەدەراتسياسىنىڭ (ف ي ف ا) وكىلدەرى شۆەيساريالىق تەرگەۋشىلەرگە 2018 جانە 2022 - جىلدارداعى الەم چەمپيوناتىن وتكىزەتىن ەلدى تاڭداۋعا قاتىستى اقپاراتتى بەردى، دەپ حابارلادى بي- بي- سي.

بي- بي- سي دەرەكتەرىنە سۇيەنسەك، تەرگەۋشىلەر سيۋريحتا ف ي ف ا شتاب- پاتەرىندەگى ءبىرقاتار كومپيۋتەرلەردىڭ قاتتى ديسكىسىن الدى. ونىڭ ىشىندە ۇيىم پرەزيدەنتى يوزەف بلاتتەردىڭ جۇمىس كومپيۋتەرى دە بار.
قازىرگى ۋاقىتتا امەريكاندىق جانە شۆەيساريالىق تەرگەۋشىلەر ف ي ف ا- داعى سىبايلاس جەمقورلىق تۋرالى ءىستى قاتار تەرگەۋدە. 14 ادام ايىپتالۋدا، ونىڭ توعىزى ۇيىمدا جۇمىس ىستەپ جاتقان قىزمەتكەرلەر.
بلاتتەر ايىپتىلار قاتارىندا جوق، الايدا وعان قاتىستى تەكسەرۋ جۇرگىزىلۋدە. بۇدان باسقا، تەرگەۋ ورگاندارى 2010 جانە تيىسىنشە 2022 - جىلدارى رەسەي مەن كاتار الەم چەمپيوناتىن وتكىزۋ قۇقىعىن زاڭدى ۇتىپ الدى ما، جوق پا، سونى تەكسەرۋگە نيەتتى.