جامبىل وبلىسىندا اسىل تۇقىمدى جاڭا «قازاقستاندىق مەرينوس» قويى وسىرىلۋدە - فوتو

تاراز. قازاقپارات - قازاقستاندىق عالىمدار ەلدىڭ ءىرى شارۋاشىلىقتارىنىڭ ءبىرى - مەركە اسىل تۇقىمدى قوي زاۋىتىنىڭ ماماندارىمەن بىرلەسىپ وڭتۇستىك ءتورت- قۇرىلىقتىق كليماتقا بەيىمدەلگەن جاڭا ەت- ءجۇندى تۇقىمدى قوي الۋ ءۇشىن بىرنەشە جىل بويى ەڭبەكتەندى.

سالماعى 120 كەلى بولاتىن قوي كونبىس، ءتوزىمدى، 400 شاقىرىمعا دەيىنگى ارالىقتى ءجۇرىپ وتۋگە قابىلەتتى، ءبىر مەرينوستان 15 كەلىگە دەيىن جوعارى ساپالى ءجۇن الۋعا بولادى.

جاڭا ەتتى- ءجۇندى اسىل تۇقىمدى قوي مەملەكەتتىك ساراپتامادان ءوتىپ، «قازاقستاندىق مەرينوس» رەسمي اتاۋىمەن پاتەنتتەلدى.

 85 جىلدىعىن اتاپ وتكەن «مەركە» اسىل تۇقىمدى زاۋىتى» ا ق- نىڭ بازاسىندا اسىل تۇقىمدى سەلەكسيالىق جۇمىس 1933 - جىلى باستالعان، سول كەزدە جوعارى ساپالى ءجۇن الۋ ءۇشىن جەرگىلىكتى قىلشىق ءجۇندى قويلاردى سولتۇستىك كاۆكازدان اكەلىنگەن «رامبۋلە» اسىل تۇقىمدى قويلارىمەن بۋدانداستىردى. ءسويتىپ، 1965 - جىلى «وڭتۇستىك قازاقستاندىق مەرينوس» اتتى جاڭا قوي تۇقىمى شىعارىلىپ، اتتەستاتتالدى.

قوي شارۋاشىلىعى ع ز ي ديرەكتورى سەرىك وسپانوۆتىڭ ايتۋىنشا، «قازاقستاندىق مەرينوستىڭ» ءجۇنى ساپاسى جاعىنان اۆستريالىق قويدان كەم تۇسپەيدى. جانۋار جەرگىلىكتى كليماتقا بەيىمدەلگەن ءارى ونىمدىلىگى جوعارى.

بۇگىندە «مەركە اسىل تۇقىمدى مال زاۋىتىندا» ۇساق قارا مال باسى 26 مىڭنان اسادى، بۇدان باسقا، 600 گە تارتا جىلقى بار، 7 مىڭ گەكتار جەرگە ءداندى، ماساقتى داقىلدار ەگىلىپ، مايلى جانە ازىقتىق جەم- ءشوپ داقىلدارى وسىرىلەدى.

 جىل سايىن زاۋىتتا اۆستراليالىق، جاڭازەلانديالىق بالاماسىمەن سالىستىرۋعا كەلەتىن ءجۇز تونناعا دەيىن جوعارى ساپالى مەرينوس ءجۇنى شىعارىلادى. بۇدان باسقا، وڭتۇستىك ءوڭىردىڭ اگروقۇرىلىمدارى مەن شارۋاشىلىق قوجالىقتارى جىل سايىن ءۇش مىڭعا جۋىق اسىل تۇقىمدى قويدى ساتىلىمعا شىعارادى.

2008 - جىلدان زاۋىت «وڭتۇستىك» الەۋمەتتىك- كاسىپكەرلىك كورپوراتسياسى» كومپانياسىنىڭ مەنشىگىنە بەرىلدى. مۇندا تۇراقتى جۇمىسپەن 280 نەن استام ادام قامتىلعان، ماۋسىمدىق جۇمىستار كەزىندە ولاردىڭ سانى 350 گە دەيىن جەتەدى.