09:07, 11 - ماۋسىم 2015 | GMT +5
شىمكەنتتەگى قوناق ءۇي الەمدەگى ەڭ ۇزدىك ۇيلەردىڭ ءبىرى بوپ تانىلدى
شىمكەنت. قازاقپارات - «Rixos» برەندى قوناق ۇيلەرىنىڭ اراسىندا شىمكەنتتەگى قوناق ءۇي الەمدەگى ەڭ ۇزدىك دەپ تانىلدى، دەپ حابارلادى وڭتۇستىك قازاقستان وبلىسىنىڭ باسپا ءسوز قىزمەتىنەن.

شىمكەنتتەگى بەس جۇلدىزدى قوناق ءۇي مونتە-كارلودا وتكەن بايقاۋدان جەڭىسكە جەتتى.
«الەم بويىنشا بۇل برەند بويىنشا 39 قوناق ءۇي مەن «پرەمەر-ليۋكس» كلاسىنىڭ 40 تان استام وتەلى بار. سولاردىڭ ىشىندە شىمكەنتتىك قوناق ءۇي ەڭ ۇزدىك اتالدى»، دەلىنگەن حابارلامادا. شىمكەنتتەگى قوناق ءۇي ساۋلەتىمەن تورەشىلەردى ەرەكشە اسەرگە قالدىردى. اتاپ ايتقاندا، قىزمەت كورسەتۋ، ماركەتينگتىك قىزمەتتەر جوعارى باعالاندى. ىشكى جانە سىرتقى ينتەرەردىڭ ديزاينى دا حالىقارالىق دەڭگەيدەگى ساراپشىلاردىڭ نازارىنان تىس قالمادى.
«Rixos Khadisha Shymkent» قوناق ءۇيى «بيزنەستىڭ جول كارتاسى-2020» باعدارلاماسى بويىنشا مەملەكەتتىك قولداۋمەن سالىندى. كاسىپكەرلىك باسقارماسىنىڭ مالىمەتتەرىنشە، جوبانىڭ جالپى قۇنى 350 ميلليون تەڭگەنى قۇراعان، سونىڭ ىشىندە قارىز قاراجات پەن جەكە قاراجات بار.