فرانسيانىڭ قازاقستانداعى ەلشىسى فرانسيس ەتەن پاۆلودارداعى «فۋدماستەر» زاۋىتىندا بولدى - فوتو
«مەن پاۆلودارعا كەلىپ، فرانسيا مەن قازاقستان سەرىكتەستىگىنىڭ جەمىستەرىن كورگەنىمە قۋانىشتىمىن. بۇل سەرىكتەستىكتىڭ بولاشاعى جارقىن، الەۋەتى ۇلكەن. بۇل بارلىعىنا ءتيىمدى ىنتىماقتاستىق - مۇندا فرانسيالىق ارىپتەستەردىڭ ءبىلىمى مەن تاجىريبەسى قازاقستان تۇتىنۋشىلارى ءۇشىن قاجەتتى دە پايدالى ونىمدەردى شىعارۋ ءۇشىن قولدانىلادى. كومپانيا ءوز ونىمدەرىمەن تەك جەرگىلىكتى نارىقتى عانا قامتاماسىز ەتىپ قويماي، باسقا نارىقتارعا دا شىعىپ وتىر»، - دەدى ف. ەتەن ب ا ق وكىلدەرىمەن بولعان كەزدەسۋدە.
تىلشىلەردىڭ پاۆلوداردا شىعارىلعان ءسۇت ونىمدەرى مەن ءوز ۇيىندە، پاريجدە ساتىپ الاتىن ءسۇت ونىمدەرى اراسىندا ايىرماشىلىق بايقالا ما دەگەن سۇراعىنا ف. ەتەن ساپاسىنان دا، دامىنەن دە ايىرماشىلىقتى كورمەگەندىگىن ءمالىم ەتتى.
«الەمدە جوعارى باعالاناتىن فرانسيالىق ءسۇت ءوندىرىسىنىڭ داستۇرلەرىن سىزدەردىڭ ەلدەرىڭىزگە جەتكىزىپ، ساپانىڭ ەڭ جوعارى ستاندارتتارىنا سايكەس كەلەتىن «قازاقستاندا جاسالعان» ماركاسىمەن شىعاتىن تابيعي ونىمدەردى ۇسىنا العانىمىزدى ماقتان تۇتامىز»، - دەپ اتاپ ءوتتى فرانسيانىڭ ەلشىسى.
پاۆلودارداعى ەڭ كونە كاسىپورىندارىنىڭ ءبىرى «فۋدماستەر» «Lactalis» قۇرامىنا 2009-جىلى كىرگەن. كومپانيانىڭ قازاقستان نارىعىنا كەلگەن ساتىنەن باستاپ ينۆەستيتسيالار كولەمى 9 ميلليارد تەڭگەنى قۇراعان.
«فۋدماستەر قازاقستان» كومپانياسىنىڭ باس ديرەكتورى ارمان الدابەرگەنوۆتىڭ ايتۋىنشا، كومپانيا وندىرىستىك قۋاتتىلىقتارعا دا، شيكىزات بازاسىنىڭ دامىتىلۋىنا دا ينۆەستيتسيالار قۇيىپ وتىر. «تەك پاۆلوداردا عانا كۇن سايىن 180 تونناعا دەيىن ساپالى ءسۇتتى قابىلداپ، قايتا وڭدەۋدەمىز»، - دەپ اتاپ ءوتتى ا. الدابەرگەنوۆ.
كەزدەسۋ سوڭىندا ەلشى «ءبىزدى ىنتىماقتاستىقتى دامىتۋ ءۇشىن جاقسى جىل كۇتىپ وتىرعانىن» ايتتى. ول ناۋرىز ايىنان باستاپ استانا مەن پاريج اراسىنداعى تىكەلەي باعدار اشىلىپ، سونداي-اق ەكى ەل اراسىنداعى ۆيزالىق رەجيمنىڭ جەڭىلدەتىلگەنىن جەتكىزدى.
