قازاق قىزىنا «دوستاستىق جاۋىنگەرى» اتاعى بەرىلدى
اتاپ ايتساق، جارىسقا بارلىعى 30 اسكەري قىزمەتشى قاتىستى. ءبىرىنشى كەزەڭدە ولار سپورتتىق پاندەردەن، وق اتۋ دايارلىعى مەن كاسىبي شەبەرلىكتەن سايىسقا ءتۇستى. ال ەكىنشى كەزەڭدە اسكەري تاريح، قۇقىقتانۋ جانە شىعارماشىلىق (ەسترادا اندەرىن ايتۋ، ءبي بيلەۋ) اۋقىمىندا وزدەرىنىڭ ءبىلىم دەڭگەيلەرىن كورسەتتى.
بۇل بايقاۋدا اۋە قورعانىسى كۇشتەرىنىڭ باس قولباسشىلىعىنا قاراستى 657- قامتاماسىز ەتۋ كومەنداتۋراسىنىڭ اسكەري قىزمەتشىسى كىشى سەرجانت زارينا ابديەۆاعا قازىلار القاسىنىڭ شەشىمىمەن ءبىرىنشى ورىن بەرىلدى. سونداي-اق ول بايقاۋداعى جەڭىسى ءۇشىن مەرزىمىنەن بۇرىن «سەرجانت» كەزەكتى اسكەري اتاعىنا ۇسىنىلدى.
«مەنى قولداعان ادامدارعا العىسىمدى بىلدىرەمىن. قاتتى ۋايىمداعانىم سونشالىق، ناتيجەسى وسىنداي بولادى دەپ ويلاماپپىن»، - دەيدى جەڭىمپاز قىز.
اۋە قورعانىسى كۇشتەرىنىڭ باسشىلىعى جۇلدەلى ورىندارعا يە بولعان قاتىسۋشىلاردى گراموتالارمەن جانە باعالى سىيلىقتارمەن ماراپاتتادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
