بۇگىن قازاقستاننىڭ سولتۇستىگىندە، شىعىسىندا جانە ورتالىعىندا جاڭبىرلى بولادى

استانا. قازاقپارات - قازاقستاننىڭ سولتۇستىك، ورتالىق جانە شىعىس ايماقتارىندا اتموسفەرالىق اعىنداردىڭ وتۋىنە بايلانىستى تۇراقسىز اۋا رايى ساقتالادى، نايزاعاي ويناپ، جاڭبىر جاۋىپ، جەل كۇشەيەدى، بۇرشاق جاۋۋى ىقتيمال، دەپ حابارلادى «قازگيدرومەت» ر م ك.

اقمولا، قوستاناي، پاۆلودار، كۇندىز جامبىل، وڭتۇستىك قازاقستان وبلىستارىنىڭ كەي جەرلەرىندە جەل 15-20 م/س- قا دەيىن كۇشەيەدى.

ماڭعىستاۋ، سولتۇستىك قازاقستان وبلىستارىندا تۇندە جانە تاڭەرتەڭ كەي جەرلەردە تۇمان تۇسەدى، سولتۇستىك قازاقستان وبلىسىنىڭ كەي جەرلەرىندە جەل 15-20 م/س- قا دەيىن كۇشەيەدى. شىعىس قازاقستان وبلىسىنىڭ كەي جەرلەرىندە جەلدىڭ ەكپىنى 15-20 م/س- قا جەتەدى، بۇرشاق جاۋۋى مۇمكىن.

اتىراۋ، باتىس قازاقستان، قىزىلوردا، وڭتۇستىك قازاقستان، جامبىل، الماتى وبلىستارىندا وتە جوعارى ءورت قاۋپى ساقتالادى.