پاۆلودار وبلىسىندا «نيۆا» كولىگى ەرتىسكە باتىپ كەتىپ، ءبىر ادام قازا تاپتى

پاۆلودار. قازاقپارات - پاۆلودار قالاسى ماڭىنداعى دولگوە اۋىلىنا جاقىن جەردە تۇندە ەرتىس وزەنى القابىنداعى سۋ باسقان كوپىردەن وتپەك بولعان « نيۆا» كولىگىن سۋ شايىپ كەتتى.

كولىكتىڭ ىشىندە ءتورت جولاۋشى بولعان، دەپ حابارلادى ت ج د- ءنىڭ باسپا ءسوز قىزمەتىنەن.

كولىكتىڭ ارتقى تەرەزەسىن سىندىرعان ءۇش جولاۋشى سۋعا باتىپ بارا جاتقان كولىكتەن شىعا الدى، كولىكتە قالىپ قويعان ءتورتىنشىسى باتىپ كەتتى.

وقيعا ورنىنا پاۆلودار وبلىستىق ت ج د- ءنىڭ سۇڭگۋىر اپاتتىق- قۇتقارۋ جاساعى مەن اپاتتار مەديتسيناسى ورتالىعىنىڭ بريگاداسى جىبەرىلدى. وقيعا ورنىنا كەلىپ جەتكەن قىزمەتتەر امان قالعان ەر ادامدارعا العاشقى مەديتسينالىق كومەكتى كورسەتتى.

پاۆلودار وبلىستىق ت ج د سۋدا قۇتقارۋ قىزمەتىنىڭ كۇشىمەن ساعات 01:00-دە قازا تاپقان 1973 - جىلعى ءتورتىنشى ەر ادامنىڭ مۇردەسى سۋعا باتقان كولىكتەن جاعاعا شىعارىلدى.

وقيعانىڭ سەبەپتەرى انىقتالۋ ۇستىندە.