تارازدا ەلىمىزدىڭ التى وبلىسى قازاق حاندىعىنىڭ مەرەيتويلىق سالتاناتتارىنا دايارلىقتى باستادى - فوتو
جامبىل وبلىسى اكىمىنىڭ باسپا ءسوز قىزمەتىنەن حابارلاعانداي، اتىراۋ، قىزىلوردا، ماڭعىستاۋ، اقتوبە، سولتۇستىك قازاقستان جانە باتىس قازاقستان وبلىستارىنىڭ وكىلدەرى اباتتاندىرۋ جانە كوگالداندىرۋ بويىنشا جۇمىستارعا كىرىسىپ كەتتى.
تاياۋ كۇندەرى باسقا وبلىستاردان كەلگەن كاسىپكەرلەر ساياباقتار، كوپىرلەردى جاڭارتۋدى، كوشەلەردى اباتتاندىرۋدى، جاڭا ساياباقتار سالىپ، ەسكەرتكىشتەر ورناتۋدى باستايدى.
وبلىس ورتالىعىن مەرەكەلىك سالتاناتتارعا قارسى اباتتاندىرۋعا قازاقستاننىڭ بارلىق ايماقتارى اتسالىسۋدا، تارازدا ءاربىر وبلىس ءۇشىن ۋچاسكەلەر بەلگىلەنگەن.
وسىلايشا، اقمولا وبلىسى 32 ميلليون تەڭگە سوماسىنا جاڭا تەرمينالدىڭ قۇرىلىسى اياقتالىپ وتىرعان «اۋليە اتا» اۋەجايىنان شىعاتىن جولدى بەزەندىرەدى. قاراعاندىلىقتار 102 ميلليون تەڭگەگە اتشابار ساياباعىن اباتتاندىرادى.
و ق و قالانىڭ باتىس بولىگىندەگى كىرەبەرىس اركاسىن 48 ميلليون تەڭگەگە جاڭارتادى. پاۆلودارلىقتار باتىس كوپىردەگى اينالما جولىن ساندەۋدىڭ بىرەگەي جوباسىن ۇسىندى. ش ق و اباي قۇنانبايەۆقا ارنالعان ەسكەرتكىشتى ورناتادى، الماتىلىقتار جامبىل جابايەۆ ەسكەرتكىشىنىڭ جانىنداعى الاڭدى بارەلەفتەرمەن جانە شاعىن ساۋلەت پىشىندەرىمەن بەزەندىرەدى. ب ق و قايرات رىسقۇلبەكوۆ اتىنداعى ساياباقتى اباتتاندىرادى. ماڭعىستاۋلىقتار «تاراز» قوناقۇيىنىڭ جانىنداعى لاندشافتتى جاقسارتادى. س ق و كولىك ۆوكزالىنىڭ جانىنداعى ساياباقتى 50 ميلليون تەڭگەگە ساندەندىرەدى.
اتىراۋ وبلىسى تۇڭعىش پرەزيدەنت ساياباعىنىڭ جانىنداعى اۋماققا قايىڭ جانە قاراعاي اعاشتارىن وتىرعىزعان. ديزاينەرلىك جوبانىڭ قۇنى - 50 ميلليون تەڭگە. «قاراحان كەسەنەسى» تاريحي ەسكەرتكىشىنىڭ جانىنداعى ساياجولدى اباتتاندىرۋ بويىنشا جۇمىستار قىزۋ جۇرگىزىلۋدە، بۇل جەردە قىزىلوردا مەن قوستاناي قالالارىنىڭ بىرلەسكەن كۇشىمەن قۇنى 150 ميلليون تەڭگەلىك جوبا قۇرىلىپ وتىر.
ەستەرىڭىزگە سالا كەتەيىك، قازاق حاندىعىنىڭ 550 جىلدىعىن مەرەكەلەۋ بيىل ەلىمىزدىڭ بارلىق ايماقتارىندا ءوتىپ جاتىر. 550 جىل بۇرىن تالاس جانە شۋ وزەندەرىنىڭ اراسىندا كەرەي مەن جانىبەك سۇلتاندار قازاق حاندىعىن قۇرعان جامبىل وبلىسىندا ايتۋلى شارالار جوسپارلانعان. ولاردىڭ اراسىندا تەاترلاندىرىلعان كورىنىس، «ماڭگىلىك ەل» اتتى رەسپۋبليكالىق اقىندار ايتىسى، «قازاق حاندىعىنىڭ قۇرىلۋى جانە تاريحى» كىتابىنىڭ تۇساۋكەسەرى، «تاراز - عاسىرلار كۋاسى» كورمەسى، ق ر پرەزيدەنتىنىڭ جۇلدەسى ويناتىلاتىن قازاقشا كۇرەستەن «ەۋرازيا بارىسى» حالىقارالىق جارىسى سياقتى شارالار بار. بۇدان باسقا، تارازدا «كونە تاراز» جوباسى ىسكە اسىرىلىپ، «قازاق حاندىعىنىڭ 550 جىلدىعى» ەسكەرتكىشى اشىلادى، قىتايلىق شيان قالاسىنان ۇلى جىبەك جولىنىڭ باعدارىمەن ءجۇرىپ كەلە جاتقان كەرۋەن ەكسپەديتسياسىنا قاتىسۋشىلاردىڭ كەزدەسۋى وتەدى.
