قازاقستاندىق تورەشى ەۋروپالىق فۋتبول قاۋىمداستىقتارى وداعىندا قازىلىق ەتەدى
ايتۋلى تۋرنيردەگى ويىندارعا قازىلىق ەتۋگە شاقىرىلعان تورەشىلەردىڭ ءبىرى - ف ي ف ا تورەشىسىنىڭ كومەكشىسى، قازاقستاندىق سانجار ىسقاقوۆ. بۇل تۋرالى قازاقستان فۋتبول فەدەراتسياسىنىڭ باسپا ءسوز قىزمەتىنەن حابارلاندى.
29 جاستاعى قوستانايلىق تورەشىنىڭ ۋ ە ف ا اياسىندا جۇمىس تاجىريبەسى بارشىلىق. ول ەۋروپا ليگاسىنىڭ ىرىكتەۋ تۋرنيرىندە «زەستافوني» (گرۋزيا) - «سپارتاك» (سلوۆاكيا) ، «ۆويۆودينا» (سەربيا) - «راپيد» (اۆستريا) ماتچتارىندا قىزمەت ەتكەن بولاتىن. سەربيا (2011) مەن نيدەرلاند (2013) ەلىندە وتكەن 17 جاسقا دەيىنگى جاسوسپىرىمدەر قۇراماسى اراسىنداعى ەۋروپا چەمپيوناتىنىڭ ىرىكتەۋ تۋرنيرىندە تورەلىك ەتتى. سونىمەن قاتار، جاستار اراسىنداعى ەۋروپا چەمپيوناتىنىڭ اياسىنداعى سان- مارينو - گرەكيا ىرىكتەۋ ماتچىندا جۇمىس ىستەدى.
ايتا كەتۋ كەرەك، سانجار ىسقاقوۆ 2015 - جىلدىڭ 17-20 - مامىر ارالىعىندا ۋ ە ف ا- نىڭ ف ي ف ا تورەشىلەرىنىڭ كومەكشىلەرىنە ۇيىمداستارعان بىلىكتىلىكتى ارتتىرۋ كۋرسىنا قاتىسىپ، تاعىلىمدامادان وتكەن ەدى.
اۆتور: قانات مامەتقازى ۇلى
***
ف ي ف ا (FIFA) - فۋتبول قاۋىمداستىقتارىنىڭ حالىقارالىق فەدەراتسياسى، حالىقارالىق باسقارۋ ۇيىمى.
ۋ ە ف ا - ەۋروپا مەن بىرنەشە ازيا فۋتبولىنىڭ اكىمشىلىك جانە مەڭگەرۋشىلىك ۇيىمى. ول ەۋروپا ەلدەرىنىڭ فۋتبول قاۋىمداسىتىقتارىن بىرىكتىرەدى. ۋ ە بارلىق ەۋروپانىڭ كلۋبتىق جانە قۇراما جارىستارىنىڭ ۇيىمداستىرۋشىسى.
