الماتىدا جىنىسىن اۋىستىرعان پوليتسيا قىزمەتكەرىن جۇمىستان شىعاردى
بۇل تۋرالى ۆرەميا گازەتىنە سىلتەمە جاساپ NUR. KZ حابارلايدى.
«ايەل ادام جىنىسىن ەر ادامعا اۋىستىرعانى ءۇشىن جۇمىسىنان قۋىلۋىن زاڭسىز دەپ ەسەپتەپ، قىزمەتىنە قايتا ورالۋ ءۇشىن قولدان كەلگەنىن اياپ جاتقان جوق. الايدا، سوت ونىڭ پايداسىنان شەشىم شىعاراتىن ەمەس»، - دەپ جازادى باسىلىم.
بۇرىنعى پوليتسەيدىڭ ايتۋىنشا، باسشىلىق ونىڭ قىزمەتىن كاسىبي تۇردە اتقارعانىنا ءمان بەرمەي، جىنىسىن اۋىستىرعانىنا عانا نازار اۋدارعان.
بۇرىنعى ۆيكا، ال قازىرگى ۆيكتور الماتى قالالىق ءى ءى د- دە 8 جىلىن وتكىزگەن. ول جىنىسىن اۋىستىرعان سوڭ عانا، جانى راحاتقا بولەنگەنىن ايتادى. وتا جاساتاردىڭ الدىندا ول ءوز ارىپتەستەرىنە جىنىسىن اۋىستىراتىنى تۋرالى حابارلاعان.
الايدا، ۆيكتور جۇمىسقا كەلگەن بەتتە، ونى باسشىلىق شاقىرىپ الىپ، قىزمەتتەن كەتۋ تۋرالى ارىز جازۋىن تالاپ ەتكەن. العاشىندا قاتتى قوبالجىعان ول جۇمىستان شىعۋ تۋرالى ارىزىن جازادى. تەك، كەيىن اقىلعا سالعان سوڭ عانا، بۇل ارەكەتتىڭ زاڭسىز ەكەنىن ەسىنە الادى.
جاۋاپ الۋ كەزىندە بۇرىنعى ۆيكتوريانىڭ ارىپتەسى ودان كاسىبيلىك جونىنەن ەش سۇراق قويماي، نەگىزىنەن وپەراتسيانىڭ قالاي وتكەنىن، جىنىس مۇشەسىنىڭ كولەمىن سۇراۋمەن عانا شەكتەلگەن. وسىدان سوڭ، ۆيكتوردى پوليتسيادا قىزمەت ەتۋگە جارامسىز دەپ تانىدى.
