ن. نازاربايەۆ قاسيەتتى كىتاپتاردان ادامگەرشىلىككە ۇندەيتىن مىسالدار كەلتىردى

استانا. قازاقپارات - ادامنىڭ سۇيىسپەنشىلىگىن، راقىمشىلىعىن، قايىرىمدىلىعىن وياتار بولسا، ناعىز ءدىن سول.

بۇل تۋرالى بۇگىن الەمدىك جانە ءداستۇرلى دىندەر كوشباسشىلارىنىڭ 5- سەزىنىڭ جالپى وتىرىسىندا ق ر پرەزيدەنتى نۇرسۇلتان نازاربايەۆ ايتتى.

ەلباسى ءوز سوزىندە الەمدەگى بارلىق ءدىن ۇستامدىلىققا، شىدامدىلىققا، زورلىق-زومبىلىققا بوي الدىرماۋعا، كەلىسىمگە شاقىراتىندىعىن اتاپ ءوتتى.

«قاسيەتتى قۇراندا: «قانداي دا ءبىر ادامدى ولتىرمەگەن، جەر بەتىندە بۇزاقىلىق جاساماعان جاندى ناقاق ولتىرگەن ادام، بارشا ادام بالاسىن ولتىرگەنمەن تەڭ» دەگەن ءسوز بار. مۇنداي ۇندەۋ حريستياندىق جاڭا ىنجىلدە دە ايتىلادى»، - دەدى ەلباسى.

سونىمەن قاتار مەملەكەت باسشىسى كونە ءۇندىستاندىقتاردىڭ ۋپانيشادىندا دا ادامدى ادامگەرشىلىككە، شاقىراتىندىعىن اتاپ ءوتتى.

«وندا «ءشوپتى جۇلعاندا، عالامشار تىتىركەنەدى» دەلىنگەن. ادامنىڭ سۇيىسپەنشىلىگىن، راقىمشىلىعىن، قايىرىمدىلىعىن وياتار بولسا، ناعىز ءدىن سول»، - دەدى ن. نازاربايەۆ.

اۆتور: مارلان جيەمباي