ق ر پرەزيدەنتىنىڭ بەدەلى قاقتىعىسۋشى تاراپتاردى كەلىسسوزدەر الاڭىنا جيناۋعا مۇمكىندىك بەرەدى - راۆيل گاينۋتدين
بۇل تۋرالى بۇگىن استانادا الەمدىك جانە ءداستۇرلى دىندەر كوشباسشىلارىنىڭ V سەزىنەن كەيىن «قازاقپارات» تىلشىسىنە بەرگەن سۇحباتىندا ر ف مۇسىلماندارى رۋحاني باسقارماسىنىڭ ءتوراعاسى، ءمۇفتي راۆيل گاينۋتدين ءمالىم ەتتى.
«وزدەرىڭىز بىلەسىزدەر، قازاقستان پرەزيدەنتى نۇرسۇلتان نازاربايەۆ ىمىراعا كەلە الماي جۇرگەندەردى ءبىر ۇستەلگە وتىرعىزۋ ءۇشىن وسى كەرەمەت ديالوگ الاڭىن استانادا قۇرۋ ارقىلى وتە پاراساتتى ءىستى جۇزەگە اسىردى. بۇل جەردە بارلىق الەمدىك دىندەردىڭ كوشباسشىلارى باس قوسىپ، بارشا الەمدى الاڭداتىپ وتىرعان وزەكتى جاھاندىق ماسەلەلەردى تالقىلاپ جاتىر. ەڭ ماڭىزدىسى - بۇل ماسەلەلەر وسىندا تۇسىنىستىكپەن ءارى بايىپپەن قاراستىرىلۋدا»، - دەدى ر. گاينۋتدين.
«اتاپ ايتقاندا، الەمدەگى بەدەلىنىڭ ارقاسىندا نۇرسۇلتان ءابىش ۇلى داۋلى ماسەلەلەر بويىنشا ىمىراعا كەلۋ جولدارىن تالقىلاۋ ءۇشىن جانە بەيبىتشىلىك پەن كەلىسىم جولىن تاڭداۋ تۇرعىسىندا ءبىر ۇستەلگە تاراپتاردى جيناي الادى. سوندىقتان دا قۇرمەتتى پرەزيدەنت نازاربايەۆ - وپپوزيتسيانى جانە بيلىك وكىلدەرىن، سونداي- اق قاقتىعىس اينالاسىنداعى وزگە دە تاراپتاردى شاقىرىپ، سىنداردى كەلىسسوزدەردى جۇرگىزۋگە قاۋقارلى تۇلعا»، - دەپ تۇيىندەدى سۇحباتىندا رف مۇسىلماندارى رۋحاني باسقارماسىنىڭ ءتوراعاسى.
اۆتور: رۋسلان عابباسوۆ
