نازاربايەۆتى ۆيدەوعا ءتۇسىرىپ العان قىز: مەن جاي عانا اسەرشىل اداممىن - كەسكىن
«مۋز- ت ۆ-2015. گراۆيتاتسيا» راسىمىندە قازاقستان پرەزيدەنتى نۇرسۇلتان نازاربايەۆقا «ومىرگە قوسقان ۇلەسى ءۇشىن» جۇلدەسى بەرىلدى. كەيىن الەۋمەتتىك جەلىلەردە مەملەكەت باسشىسىنىڭ ءراسىم كەزىندە زالدان ءوتىپ بارا جاتقانى تۇسىرىلگەن ۆيدەو پايدا بولدى.
ۆيدەونى ءتۇسىرىپ تۇرعان قىز وعان: «ءبىز ءسىزدى جاقسى كورەمىز!»، - دەپ ايعايلادى. مۇنى ەستىگەن پرەزيدەنت بۇرىلىپ، جاۋاپ رەتىندە قولىن بۇلعادى. ءوزىن باقىتتى سەزىنگەن قىز كامەراعا قاراپ: «ول مەنى ەستىدى!»، - دەدى. ۆيدەو ينتەرنەتتە «قىزدىڭ ارمانى ورىندالدى» دەگەن اتاۋمەن ءتۇرلى اككاۋنتتان جاريالاندى.
توعجان حافيس قىزىنىڭ ايتۋىنشا، ول كەشكە كەزدەيسوق بارعان. «مەن راسىمگە بارامىن دەپ ويلاعان جوقپىن، كەنەتتەن بارۋدى ۇيعارىپ، ساعات 10 دا بيلەت ساتىپ الدىم. پرەزيدەنتتىڭ بولاتىنىن بىلگەم جوق. بارعان كەزدە ورىن ىزدەپ تۇرمادىم، بىردەن جۇلدىزدار وتەتىن جەرگە بارىپ تۇرا قالدىم. كۇزەتشىدەن: ءوتىپ كەتۋگە بولا ما؟، - دەپ سۇرادىم. ول مەنى ازداپ يتەردى، پرەزيدەنتتىڭ كەلە جاتقانىن ءتۇسىندىم. مەن ونىڭ جانكۇيەرىمىن، پرەزيدەنتتى قاتتى جاقسى كورەمىن. كىشكەنتاي كەزىمنەن بەرى وعان اتام سياقتى قارادىم. استاناعا كوشىپ كەلگەن كەزىمىزدە مەن: پرەزيدەنتتى ۇيگە شاقىرامىن، مەن مۇندا تەك سونى عانا تانيمىن، - دەدىم. ول كەيىن وتباسىمىزدا قالجىڭعا اينالدى»، - دەدى ول.
«ساحنادان ءتۇسىپ كەلە جاتقان كەزدە ول ءبىزدى ەلەيدى دەپ ويلاعام جوق. قىزۋمەن جاقسى كورەتىنىمدى ايتىپ، ايعايلادىم. ۆيدەونى دا تانىمال بولادى دەپ ويلاعان جوقپىن. مەن ۆيدەونى ينتەرنەتتە جاي عانا جاريالاعان بولاتىنمىن»، - دەدى توعجان.
قىزدىڭ ايتۋىنشا، وعان تانىستارى قازنەتتىڭ جۇلدىزى بولدىڭ دەپ قالجىڭدايدى ەكەن. توعجان اشەكەي بۇيىمدار دايىنداۋمەن اينالىساتىنىن ايتتى.
