08:47, 10 - ماۋسىم 2015 | GMT +5
تۇركيا ۇكىمەتى وتستاۆكاعا كەتتى
استانا. قازاقپارات - تۇركيا پرەزيدەنتى رەدجەپ تاييپ ەردوگان احمەت داۆۋتوگلۋ ۇكىمەتىنىڭ وتستاۆكاسىن قابىلدادى.
وتكەن جەكسەنبىدە وتكەن پارلامەنتتىك سايلاۋدا ەردوگاننىڭ بيلىكتەگى پارتياسىنىڭ كوپشىلىك ورىندى جوعالتۋىنا بايلانىستى ەلدە جاڭا كواليتسيالىق ۇكىمەت قۇرىلۋى ءتيىس.
كۇتىلگەندەي، ەردوگان جاڭا مينيسترلەر كابينەتىن جاساقتاۋدى 2014 -جىلدان بەرى وسى ۇيىمدى باسقارىپ كەلە جاتقان ادىلەت جانە دامۋ پارتياسىنىڭ كوشباسشىسى احمەت داۆۋتوگلۋعا تاپسىرادى.
ال تۇركيانىڭ قازىرگى ۇكىمەتى ءوز مىندەتىن جاڭادان بەكىتىلگەنشە اتقارا بەرەدى.
تۇركيا كونستيتۋتسياسى ەگەر كواليتسيالىق ۇكىمەت 45 كۇننىڭ ىشىندە جاساقتالىپ بىتپەسە، جاڭا سايلاۋ وتكىزۋگە مۇمكىندىك بەرەدى، دەپ حابارلايدى بي-بي-سي.
