جامبىل وبلىسىندا تابيعي دالا ورتتەرى ورىن الۋدا - فوتو

تاراز. قازاقپارات - سوڭعى كۇندەردەگى ىستىق، قۇرعاق اۋا رايى وڭىردە ءورت ءقاۋپىن ارتتىردى، دەپ حابارلادى جامبىل وبلىسى ت ج د باسپا ءسوز قىزمەتىنەن.

وتكەن تاۋلىكتە جامبىل وبلىسىنىڭ دالالى القابىندا كەۋىپ، قۋراعان شوپتەر وتقا ورانىپ، ءورت سوندىرۋشىلەر جەدەل شىققان 29 جاعداي تىركەلدى.

شۋ اۋدانىندا «KEGOK» پ س-500 قوسالقى ستانساسىنا جاقىن جەردە تاسوتكەل اۋىلدىق وكرۋگى اۋماعىندا 40 گەكتار الاڭدا قۇرعاق ءشوپ جانىپ كەتتى.

زارداپ شەككەندەر جوق، زالال كەلتىرىلمەدى.

تولە ءبي اۋىلىنىڭ ءو ب-13 1- بولىمشەسىنىڭ كۇشى مەن تاسوتكەل اۋىلدىق وكرۋگىنىڭ ەرىكتى ورتكە قارسى قۇرامالارىنىڭ 20 قىزمەتكەرى ءتىلسىز جاۋدى ءۇش ساعاتتا اۋىزدىقتادى، دەپ ناقتىلادى جامبىل وبلىسىنىڭ ت ج د.

 2014 -جىلى جامبىل وبلىسىنىڭ مەملەكەتتىك ورمان قورى اۋماعىندا جانە دالالى القاپتارىندا 500 دەن استام الاڭدى ءورت شالعان بىرنەشە ونداعان جاعداي تىركەلدى. مەركە اۋدانىندا ورىن العان ءىرى تابيعي ءورت ونى ءسوندىرۋ بارىسىندا ەكى ادامنىڭ ءومىرىن جالمادى.

90 پايىزعا دەيىن تابيعي ءورت ادامداردىڭ كىناسىنەن بولادى، دەپ حابارلادى ءوڭىردىڭ ت ج د.

تابيعي ءورتتىڭ الدىن الۋ جانە جويۋ ءۇشىن جامبىل وبلىسىنىڭ اكىمى مەملەكەتتىك ورمان قورى جانە دالالى القاپتاردا ءورت قاۋىپسىزدىگىن قامتاماسىز ەتۋدىڭ الدىن الۋ شارالارىن بەكىتتى.