پان گي مۋنعا ءال- فارابي اتىنداعى قازۇۋ- دىڭ قۇرمەتتى دوكتورى اتاعى بەرىلەدى
سونداي- اق، قازۇۋ باسپا ءسوز قىزمەتىنىڭ حابارلاۋىنشا، ب ۇ ۇ باس حاتشىسى پان گي مۋنعا ءال- فارابي اتىنداعى قازۇۋ- دىڭ قۇرمەتتى دوكتورى اتاعىن بەرۋ ءراسىمى بولادى.
ديپلوممەن ماراپاتتاۋ سالتاناتىن ءال- فارابي اتىنداعى قازۇۋ رەكتورى ع. مۇتانوۆ وتكىزەدى. سونىمەن قاتار رەكتور بەيبىتشىلىك پەن كەلىسىمگە، ب ۇ ۇ مەن قازاقستان اراسىنداعى ىنتىماقتاستىققا قوسقان سۇبەلى ۇلەسى ءۇشىن قۇرمەتتى قوناقتى ءال- فارابي ۇلكەن التىن مەدالىمەن ماراپاتتاپ، قازۇۋ دوستارى حالىقارالىق كلۋبىنىڭ قۇرمەتتى مۇشەسى سەرتيفيكاتىن تابىستايدى.
ءال- فارابي اتىنداعى قازۇۋ- عا ت م د ۋنيۆەرسيتەتتەرىنىڭ دامۋ تاريحىندا تۇڭعىش رەت ب ۇ ۇ باس حاتشىسى پان گي مۋننىڭ باستاماسىمەن قۇرىلعان «Academic impact» تۇراقتى دامۋ بويىنشا ب ۇ ۇ باعدارلاماسىنىڭ جاھاندىق حابىن باسقارۋ سەنىپ تاپسىرىلدى. بۇل باعدارلاما بۇگىندە الەمنىڭ 900 ۋنيۆەرسيتەتىنىڭ باسىن بىرىكتىرەدى. ولاردىڭ الەۋەتى ادام قۇقى، ساۋاتتىلىق، تۇراقتى دامۋ مەن شيەلەنىستەردى شەشۋگە ارنالعان ب ۇ ۇ- نىڭ الەمدىك دەڭگەيدە مويىندالعان ون قاعيداتىن بەلسەندى قولداۋعا باعىتتالعان.
ءال- فارابي اتىنداعى قازۇۋ تۇراقتى دامۋ بويىنشا UNAI جاھاندىق حابى رەتىندە عىلىم مەن ءبىلىم بەرۋ سالاسى وكىلدەرىن ادامزاتتىڭ الەمدىك ماسەلەلەرىن شەشۋ، ەكولوگيا مەن قورشاعان ورتانى قورعاۋ جولدارىن ىزدەستىرۋ ۇدەرىسىنە بەلسەندى تارتۋدا. ۋنيۆەرسيتەت تۇراقتى دامۋ يدەيالارىن العا جىلجىتۋ بويىنشا اۋقىمدى جۇمىستار جۇرگىزۋدە، ەنەرگيانىڭ التەرناتيۆتى جانە جاڭارتىلاتىن كوزدەرى بويىنشا زەرتتەۋ جۇرگىزەدى جانە جوبالار دايىندايدى. قازۇۋ - ريو- دە- جانەيرودا وتكەن «RIO+20» ب ۇ ۇ بۇكىلالەمدىك سامميتىندە سەكسيا جۇمىسىن باسقارۋ جانە ەلباسى ن. نازاربايەۆ باستاماسىن قولداۋ ماقساتىندا «جاسىل كوپىر - ۇرپاقتان- ۇرپاققا» جوباسىن تانىستىرۋ مارتەبەسى تاپسىرىلعان ت م د ج و و- لارى ىشىندەگى جالعىز ۋنيۆەرسيتەت. ۋنيۆەرسيتەت استانا ەكونوميكالىق فورۋمى اياسىندا الەمنىڭ جەتەكشى عالىمدارىنىڭ قاتىسۋىمەن وتكەن III ازيا ۋنيۆەرسيتەتتەرى فورۋمىنىڭ ۇيىمداستىرۋشىسى بولىپ تابىلادى.
