قىتايدا اتىستان ءۇش ادام قازا تاۋىپ، بەس ادام جاراقاتتاندى

استانا. قازاقپارات - قىتايدىڭ سولتۇستىك- شىعىسىندا حىبىي پروۆينتسياسىندا اتىس سالدارىنان ءۇش ادام اجال قۇشىپ، بەس ادام جاراقاتتاندى، دەپ حابارلادى مەملەكەتتىك ب ا ق- تارعا سىلتەمە جاساپ بي- بي- سي.

وق اتۋدى ۇيىمداستىرعان قاسكۇنەمنىڭ پوليسەيلەرمەن اتىس كەزىندە كوز جۇمعانى حابارلانادى.

قازا بولعانداردىڭ ىشىندە ءبىر پوليسەي بار، تاعى ءبىر پوليسيا قىزمەتكەرى جاراقات الدى، دەپ حابارلادى ق ح ر مەملەكەتتىك تەلەۆيدەنيەسى. قاسكۇنەمنىڭ نەلىكتەن اتىس ۇيىمداستىرعانى ازىرگە بەلگىسىز.

ايتا كەتەيىك، قارۋدىڭ قولجەتىمدى بولۋى قاتاڭ باقىلاناتىن قىتايدا مۇنداي وقيعالار سيرەك كەزدەسەدى.