استاناداعى «جاس ۇلان» مەكتەبى تۇلەكتەرىن سالتاناتپەن شىعارىپ سالدى - فوتو
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
بيىل «جاس ۇلان» مەكتەپ قابىرعاسىنان مەكتەپ قۇرىلعالى بەرى سانى جاعىنان ەڭ كوپ ادام، 75 ۇلان تۇلەپ شىعادى. 2013 جانە 2014 - جىلدارى مەكتەپتى 55 جانە 64 ۇلان ءبىتىرىپ شىققان. «جاس ۇلان» تاربيەلەنۋشىلەرىنىڭ 2015 - جىلعى ت- داعى ورتاشا بالى 85,2 قۇرادى. بۇل دەڭگەي بىلتىرعى جىلعا قاراعاندا جوعارىراق بولدى (2014 -جىلى - 81,3).
بۇگىن بولاشاقتا ق ر قارۋلى كۇشتەر مەن وزگە دە كۇشتىك قۇرىلىمداردىڭ وفيسەرلەرى، ءوز وتانىنىڭ ناعىز قورعاۋشىلارى بولاتىن تۇلەكتەرگە، سونداي- اق ءىس- شارا قوناقتارىنا ق ر ق ك 68665 ءا/ب قۇرمەت قاراۋىل روتاسىنىڭ قىسقارتىلعان پارادتىق ەسەپ توبىنىڭ دەفيلەسى كورسەتىلدى.
سالتاناتتى شاراعا قورعانىس مينيسترلىگىنىڭ وكىلدەرى، ۇلانداردىڭ اتا- انالارى، قارۋلى كۇشتەردىڭ ارداگەرلەرى قاتىستى.
«جاس ۇلان» مەكتەبى تاربيەلەنۋشىلەرىنىڭ دايىندىق دەڭگەيى جىل سايىن ءوسىپ كەلە جاتقانىن اتاپ وتكەن ءجون. ءبىتىرۋشى ۇلاندار ۇلتتىق ءبىرىڭعاي تەستىلەۋدەن سۇرىنبەي ءوتىپ، جوعارى ناتيجەلەر كورسەتۋدە. بىلتىرعى جىلى «جاس ۇلان» 64 ءبىتىرۋشىنى تۇلەتىپ شىعارعانىن ەسكە سالايىق. بۇگىندە ولاردىڭ بارلىعى قۇرلىق اسكەرلەرىنىڭ اسكەري ينستيتۋتىندا، كەڭەس وداعىنىڭ ەكى مارتە باتىرى تالعات بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتىندا، راديو ەلەكترونيكا جانە بايلانىس اسكەري- ينجەنەرلىك ينستيتۋتىندا، ق ر ۇلتتىق قاۋپسىزدىك كوميتەتىنىڭ، توتەنشە جاعدايلار جانە ىشكى ىستەر مينيستىرلىگىنىڭ جوعارى وقۋ ورىندارىندا ءبىلىم الۋدا.
سونداي- اق، رەسەي، بەلارۋس جانە قىتاي قورعانىس مينيسترلىكتەرى اسكەري جوعارى وقۋ ورىندارىنىڭ كۋرسانتتارى بولىپ تابىلادى.
