جاس كاسىپكەرلەردىڭ بيزنەس يدەيالارىنا دەمەۋشىلىك قارجى بولىنەدى
«ءبىز جاقىندا قاۋىمداستىقتىڭ جاڭا ستراتەگياسىن قابىلدادىق. وسىنىڭ اياسىندا جاستار كاسىپكەرلىگىن دامىتۋعا ەرەكشە نازار اۋدارماقپىز. 17 - ماۋسىمدا «بولاشاق» قاۋىمداستىعىنىڭ «Startup «Bolashak» اتتى ستارتاپ- جوباسى باستاۋ الادى. ول قاۋىمداستىق تارتاتىن دەمەۋشىلىك قارجى ەسەبىنەن قارجىلاندىرىلادى. بۇل تۇرعىدا ءبىز ءوز ءىسىن باستاۋعا نيەتتى جاس كاسىپكەرلەردىڭ بيزنەس يدەيالارىنىڭ بايقاۋىن وتكىزبەكپىز»، - دەدى ق. بيشىمبايەۆ.
ونىڭ سوزىنە قاراعاندا، جازدا كاسىپكەرلىك قوعامداستىقپەن بىرلەسە وسى جوبالاردى ىرىكتەۋ جوسپارلانىپ وتىر. بۇدان كەيىن جاس كاسىپكەرلەر وزدەرىنىڭ باستامالارىن جۇزەگە اسىرۋعا مۇكىندىك الماق.
«ءبىزدىڭ ستراتەگيا ەلباسىنىڭ باستامالارىن جۇزەگە اسىرۋعا باعىتتالعان. ەڭ ۇزدىك بيزنەس يدەيانى قولداپ، جەڭىمپازعا «بولاشاق» قاۋىمداستىعىنان ارنايى كاسىپكەرلىكتى باستاۋعا گرانت بەرىلەتىن بولادى. وسى جوباعا ەلىمىزدىڭ بارلىق ازاماتتارى قاتىسا الادى»، - دەدى كەڭەس ءتوراعاسى.
اۆتور: رۋسلان عابباسوۆ
