قازاقتىڭ قارشاداي قىزى الەم چەمپيوناتىندا ءوزتوبىندا باس جۇلدەنى جەڭىپ الدى
بۇل تۋرالى ق ر اۋىر اتلەتيكا فەدەراتسياسىنىڭ باسپا ءسوز قىزمەتى حابارلادى.
ايگەرىم العاشقى جاتتىعۋدا 79 كەلىنى باسىنان اسىرا ەركىن كوتەرسە، ەكىنشىسىندە 101 كەلىنى وڭاي باعىندىرىپ، قوس سايىس قورىتىندىسى بويىنشا جەرلەسىمىز 180 كەلى كورسەتكىشپەن ءوز توبىندا ەڭ ۇزدىك سپورتشى اتاعىنا قول جەتكىزدى.
ايگەرىم بۇعان دەيىن دە ءار ءتۇرلى دودالاردا ەلىمىزدىڭ نامىسىن ابىرويمەن قورعاپ كەلەدى. ايتالىق، ول وسىعان دەيىن جاسوسپىرىمدەر اراسىنداعى (17 جاسقا دەيىن) الەم چەمپيوناتىنىڭ كۇمىس جۇلدەگەرى، جاسوسپىرىمدەر اراسىنداعى ازيا چەمپيوناتىنىڭ كۇمىس جۇلدەگەرى، قازاقستان چەمپيونى اتانعان.
ماۋسىمنىڭ 6- كۇنى جالاۋى جەلبىرەگەن الەمدىك دوداعا ەلىمىزدەن جالپى 4 سپورتشىمىز اتتانعان بولاتىن. ايگەرىمنەن باسقا، بۇل جارىستا I افرو-ازيالىق چەمپيوناتتىڭ جانە III ازيا كۋبوگىنىڭ جۇلدەگەرى، قازاقستان چەمپيونى ەكاتەرينا بىكوۆا (75 كەلى)، جاسوسپىرىمدەر اراسىنداعى الەم چەمپيوناتىنىڭ جۇلدەگەرى، جاسوسپىرىمدەر اراسىندا ازيا چەمپيوناتىنىڭ جانە قازاقستان چەمپيوناتىنىڭ جۇلدەگەرى ميحايل ماكەيەۆ (77 كەلى)، جاسوسپىرىمدەر اراسىنداعى دۇنيەجۇزىلىك تالاي سىنداردا جاسىنداي جارقىراپ، الەم رەكوردسمەنى اتانعان نادەجدا نوگاي (+75 كەلى) جانە جاسوسپىرىمدەر اراسىنداعى الەم چەمپيوناتىنىڭ جۇلدەگەرى ايات امىربەكوۆ (85 كەلى) باق سىنايدى.
ايات جارىس الاڭىنا 10- ماۋسىمدا، ەكاتەرينا 12- ماۋسىمدا، ال نادەجدا 13- ماۋسىمدا شىعادى.
كۇنسۇلتان وتارباي
